2028 සහ 2029 UEFA Champions League අවසන් මහා තරග පැවැත්වීමට නියමිත ක්රීඩාංගණ UEFA විසින් නිල වශයෙන් ප්රකාශයට පත් කර තිබෙනවා.
ඒ අනුව 2028 Champions League අවසන් මහා තරගය ජර්මනියේ මියුනිච් නුවර පිහිටි Bayern Munich කණ්ඩායමේ Allianz Arena ක්රීඩාංගණයේදී පැවැත්වීමට නියමිත අතර, 2029 අවසන් මහා තරගය ස්පාඤ්ඤයේ Barcelona නුවර Camp Nou ක්රීඩාංගණයේදී පැවැත්වීමට නියමිතයි.
Allianz Arena ක්රීඩාංගණයේදී Champions League අවසන් මහා තරගයක් පැවැත්වෙන්නේ තෙවැනි වරටයි. මීට පෙර 2012දී Chelsea කණ්ඩායම Bayern Munich පරාජය කරමින් එහිදී ශූරතාව දිනාගත් අතර, 2025දී Paris Saint-Germain කණ්ඩායම සිය පළමු Champions League ශූරතාව එම ක්රීඩාංගණයේදී හිමිකර ගත්තා.
මේ අතර, Camp Nou ක්රීඩාංගණය Champions League අවසන් මහා තරගයක් සඳහා සත්කාරකත්වය ලබාදෙන්නේ තෙවැනි වරටයි. අවසන් වරට 1999දී එහිදී පැවති අවසන් තරගයේදී Manchester United කණ්ඩායම Bayern Munich පරාජය කරමින් ශූරතාව දිනාගත්තා.
කෙසේ වෙතත්, 70,000කට ආසන්න ප්රේක්ෂක ධාරිතාවක් සහිත Allianz Arena දැනටමත් තරගයක් පැවැත්වීමට සූදානම් මට්ටමක පවතින අතර, Camp Nou ක්රීඩාංගණයේ ප්රතිසංස්කරණ කටයුතු තවදුරටත් සිදුවෙමින් පවතින බව වාර්තා වනවා.
2029 Champions League අවසන් මහා තරගය පැවැත්වීම Barcelona නගරයට තවත් වැදගත් අවස්ථාවක් වන අතර, 2030 වසරේදී ස්පාඤ්ඤය, පෘතුගාලය සහ මොරොක්කෝව එක්ව සත්කාරකත්වය දරන FIFA ලෝක කුසලානයට පෙර එය පැවැත්වීමද විශේෂත්වයක්.
මේ අතර, 2028 කාන්තා Champions League අවසන් මහා තරගය ප්රංශයේ Lyon-Decines හි Parc Olympique Lyonnais ක්රීඩාංගණයේදීත්, 2029 අවසන් තරගය වේල්සයේ Cardiff හි Principality Stadium ක්රීඩාංගණයේදීත් පැවැත්වීමට UEFA තීරණය කර තිබෙනවා.
2026-27 Champions League තරගාවලියේ අවසන් මහා තරගය 2027 ජුනි 5 වැනිදා Madrid හි Atletico Madrid කණ්ඩායමේ Estadio Metropolitano ක්රීඩාංගණයේදී පැවැත්වීමට දැනටමත් සැලසුම් කර තිබෙනවා.
