අප්රේල් 21 දින සිදු වූ ත්රස්ත ප්රහාරය සම්බන්ධව විමර්ශනය කර පාර්ලිමේන්තුවට වාර්තා කිරීම සඳහා පත් කළ පාර්ලිමේන්තු විශේෂ කාරක සභාව අද (29) පෙ.ව.8.00ට පාර්ලිමේන්තුවේ දී රැස්වේ.
පාර්ලිමේන්තු විශේෂ කාරක සභාවක් මාධ්යයට ආවරණය කිරීමට සඳහා විවෘත වන පළමු අවස්ථාව ද මෙය බවත් ඒ අනුව හෙට පැවැත්වෙන කාරක සභාව ආවරණය කිරීමට ජනමාධ්යයට ඉඩ සළසා දී ඇත.
2019 අප්රේල් 21 වැනි දින ශ්රී ලංකාවේ විවිධ ස්ථානවල සිදුවූ ත්රස්තවාදී ප්රහාර පිළිබඳ සොයා බලා පාර්ලිමේන්තුවට වාර්තා කිරීම සඳහා වන පාර්ලිමේන්තු විශේෂ කාරක සභාව 2019.05.22 දින පත් කෙරිණ. එහි සභාපති ලෙස නියෝජ්ය කථානායක, ජේ. එම්. ආනන්ද කුමාරසිරි මහතා දරනු ඇත.
පාර්ලිමේන්තු විශේෂ තේරීම් කාරක සභාව සඳහා සෞඛ්ය දේශීය වෛද්ය ඇමැති රාජිත සේනාරත්න මහතා සහ ජනතා විමුක්ති පෙරමුණේ පාර්ලිමේන්තු මන්ත්රී නලින්ද ජයතිස්ස මහතාද පත් කළ බව කතානායක කරූ ජයසූරිය මහතා පසුගිය දා පාර්ලිමේන්තුවේ දී නිවේදනය කළේ ය.
ඒ වනවිට කාරකසභාව වෙත පත් කර සිටි පාර්ලිමේන්තු මන්ත්රී කාවින්ද ජයවර්ධන මහතා එම කාරක සභාවෙන් ඉවත්වීම හේතුවෙන් මෙම පත් කිරීම් සිදු කර තිබිණි.
ඒ අනුව විශේෂ කාරක සභාව සඳහා මීට අමතව අමාත්ය රාවුෆ් හකීම් මහතා,අමාත්ය රවී කරුණානායක මහතා,පාර්ලිමේන්තු මන්ත්රී ෆීල්ඩ් මාෂල් සරත් ෆොන්සේකා මහතා,මන්ත්රී මහාචාර්ය ආශූ මාරසිංහ මහතා, මන්ත්රී ආචාර්ය ජයම්පති වික්රමරත්න මහතා, මන්ත්රී එම්.ඒ සුමන්තිරන් මහතා පත් කර ඇත.
