25 වනදා චුදිතයන්ට සුදු හුණු ගෑමක් සිදුවන බව ශ්රී ලංකා පොදුජන පෙරමුණ
ආන්දෝලනයට ලක්වූ පාස්කු ප්රහාරය සම්බන්ධයෙන් වන පාර්ලිමේන්තු තේරීම් කාරක සභා වාර්තාව, චූදිතයන් නිදොස් කොට නිදහස් කර සුද්ද පවිත්‍ර කිරීමේ ආණ්ඩුවේ දේශපාලන වුවමනාව මත සකස් කෙරෙන්නක් බවට සැකයක් මතුවී ඇති බව ශ්රී ලංකා පොදුජන පෙරමුණ චෝදනා කරයි.
පාස්කු ප්රහාරය සම්බන්ධයෙන් වන තේරීම්කාරක සභා වාර්තාව ලබන අගෝසතු 25 වැනිදා එලිදක්වන බවට මාධ්‍ය මගින් අනාවරණය කොට ඇතත් පොලිස් පරීක්ෂණ තවමත් අවසන්ව නොමැති වාතාවරණයක් තුළ එසේ කිරීම සැකසහිත බව පාර්ලිමේන්තු මන්ත්‍රී කාංචන විජේසේකර මහතා පවසයි.
මන්ත්‍රීවරයා මේ බව පැවසුවේ අද (18) පෙරවරුවේ කොළඹ පොදුජන පෙරමුණු ප්‍රධාන කාර්යාලයේ පැවති මාධ්‍ය හමුවකට එක්වෙමින්.
මහ බැංකු බැඳුම්කර මගඩිය පිළිබඳව වගකීම නිළධාරීන් පිට පටවා ආණ්ඩුව අත සෝදාගත්තා සේම, පාස්කු ප්රහාරයේ වගකීම හිටපු ආරක්ෂක ලේකම්වරයා සහ පොලිස්පතිවරයා පිට පටවා චෝදනාවට ලක්වූ අමාත්‍යවරුන් නිදොස් කොට නැවත මැතිවරණයකට යාමට ආණ්ඩුව උත්සහ කරමින් සිටිනවාද යන්න ගැටළුවක් බව ඒ මහතා වැඩිදුරටත් පෙන්වා දුන්නේය.