2026 පෙබරවාරි 28 වනදා ඇමරිකාව සහ ඊශ්රායලය එක්ව ඉරානයට එල්ල කළ ප්රහාරයත් සමඟ ආරම්භ වූ මෙම මහා පරිමාණ යුද්ධය හේතුවෙන් මේ වන විට මැදපෙරදිග කලාපය පුරා දහස් ගණනක පිරිසක් ජීවිතක්ෂයට පත්ව ඇති බව වාර්තා වේ. මානව හිමිකම් සංවිධාන සහ නිල මූලාශ්ර දක්වන දත්තයන්ට අනුව මියගිය සංඛ්යාව ඇමරිකානු මූලික කරගත් HRANA මානව හිමිකම් සංවිධානයට අනුව යුද්ධය ආරම්භයේ සිට මේ දක්වා ඉරානය තුළ පුද්ගලයින් 3,461 දෙනෙකු මියගොස් ඇත. ඉන් 1,551 දෙනෙකුම සිවිල් වැසියන් වන අතර ළමුන් 236 දෙනෙකු ද ඒ අතර වේ. ජාත්යන්තර රතු කුරුස සංවිධානය පවසන්නේ අවම වශයෙන් පුද්ගලයින් 1,900 ක් මියගොස් 20,000 ක් තුවාල ලබා ඇති බවයි. මීට අමතරව මාර්තු 04 වනදා ශ්රී ලංකාවට ඔබ්බෙන් වූ මුහුදේදී ඉරාන යුද නෞකාවකට එල්ල වූ ප්රහාරයකින් සෙබළුන් 104 දෙනෙකු මියගිය බව ඉරාන හමුදාව තහවුරු කර තිබේ.
ලෙබනනය මාර්තු 02 වනදා සිට ඊශ්රායලය එල්ල කළ ප්රහාරවලින් ලෙබනනය තුළ පුද්ගලයින් 1,238 දෙනෙකු මියගොස් ඇත. මෙයට හිස්බුල්ලා සංවිධානයේ සටන්කාමීන් 400 කට අධික පිරිසක් සහ ලෙබනන හමුදා සෙබළුන් 8 දෙනෙකු ද ඇතුළත් වේ.
ඉරාකය සිවිල් වැසියන්, හමුදා සෙබළුන් සහ විදේශීය නැව් සේවකයින් ද ඇතුළුව අවම වශයෙන් පුද්ගලයින් 100 ක් පමණ මියගොස් ඇත.
ඉරානය සහ ලෙබනනය දෙසින් එල්ල වූ මිසයිල ප්රහාරවලින් ඊශ්රායලය තුළ පුද්ගලයින් 19 දෙනෙකු මියගොස් ඇති අතර, දකුණු ලෙබනනයේ සටන් අතරතුර ඊශ්රායල සෙබළුන් 5 දෙනෙකු මියගොස් තිබේ.
යුද්ධය හේතුවෙන් ගෝලීය වෙළෙඳපොළේ තෙල් මිල ශීඝ්රයෙන් ඉහළ ගොස් ඇති අතර, ඇමරිකානු නාවික හමුදාවේ ‘ට්රිපොලි’ (Tripoli) නෞකාව ද යුද කලාපයට ඇතුළු වීමට සූදානමින් සිටින බව වාර්තා වේ. මෙමගින් හෝමූස් සමුද්ර සන්ධියේ පවතින අවහිරතා ඉවත් කිරීමට බලාපොරොත්තු වේ.
