ඉරාන විප්ලවීය ආරක්ෂක බලකායේ (IRGC) මිසයිල ඒකකයේ ප්රධානියා ලෙස කටයුතු කළ මොහොමඩ් සාඩෙගි, ඇමරිකානු සහ ඊශ්රායල ගුවන් හමුදා එක්ව එල්ල කළ ඒකාබද්ධ ප්රහාරයකින් මියගොස් ඇති බව @RealBababanaras ඇතුළු විදෙස් මාධ්ය වාර්තා කරයි. මීට දින කිහිපයකට පෙර ඇමරිකානු ජනාධිපති ඩොනල්ඩ් ට්රම්ප් සහ ඊශ්රායල අගමැති බෙන්ජමින් නෙතන්යාහු ඝාතනය කරන බවට ඔහු විසින් ප්රසිද්ධියේ අනතුරු ඇඟවීමක් කර තිබූ අතර, මෙම ප්රහාරය එම තර්ජනයට එරෙහිව එල්ල වූවක් බව විශ්ලේෂකයෝ පවසති.
දින 34ක් පුරා ඇදී යන මෙම ඉරාන-ඇමරිකා යුද්ධය හමුවේ ඉරාන හමුදාවේ ඉහළ පෙළේ නායකයින් රැසක් මේ වන විටත් ජීවිතක්ෂයට පත්ව ඇත. මොහොමඩ් සාඩෙගිගේ මරණය ඉරානයේ මිසයිල මෙහෙයුම්වලට එල්ල වූ දැවැන්ත පහරක් ලෙස සැලකෙන අතර, මීට පෙර ඉරාන ආරක්ෂක අමාත්යවරයා සහ විප්ලවීය ආරක්ෂක බලකායේ ප්රධානියා ද මෙවැනිම ප්රහාරවලින් මියගොස් තිබුණි. ජනාධිපති ට්රම්ප් සිය විශේෂ ප්රකාශය මගින් අවධාරණය කළේ තවත් සති දෙක තුනක් ඇතුළත ඉරානයට “අතිශය දරුණු” ප්රහාර එල්ල කර යුද්ධය අවසන් කරන බවයි.
මෙම ඝාතනයත් සමඟ ඉරානය සිය ඊළඟ ප්රතිප්රහාරය සඳහා සූදානම් වෙමින් සිටින බව වාර්තා වේ. ඉරාන විප්ලවීය ආරක්ෂක බලකාය දැනටමත් අනතුරු අඟවා ඇත්තේ තම නායකයින් ඉලක්ක කරන සෑම ඝාතනයකටම ප්රතිචාරයක් ලෙස ඇමරිකානු තාක්ෂණික සමාගම් වෙත ප්රහාර එල්ල කරන බවයි. මෙම තත්ත්වය මැදපෙරදිග කලාපයේ පවතින යුදමය වාතාවරණය තවදුරටත් සංකීර්ණ කර ඇති අතර, ගෝලීය ආරක්ෂාව පිළිබඳ බරපතල ගැටලු මතු කර තිබේ.
උපුටා ගැනීම: @RealBababanaras / The Hindu / Gulf News / AP
