ඉරාන විප්ලවීය ආරක්ෂක බලකාය (IRGC) ලෝක දේශපාලන කරළිය උණුසුම් කරමින් සුවිශේෂී ප්රකාශයක් සිදුකර තිබේ. යම් හෙයකින් කලාපය තුළ යළිත් යුදමය වාතාවරණයක් නිර්මාණය වුවහොත්, සතුරා මෙතෙක් කිසිඳු අවබෝධයක් ලබා නොමැති අතිනවීන යුද හැකියාවන් සහ රහසිගත අවි ආයුධ ලොවට අනාවරණය කරන බව එම බලකායේ ප්රකාශකයෙකු සඳහන් කර ඇත.
හෝමුස් සමුද්ර සන්ධියේ නාවික අවහිරතාව සහ ඇමෙරිකානු – ඊශ්රායල පීඩනය හමුවේ ඉරානය සිය ආරක්ෂක ශක්තිය පිළිබඳව මෙලෙස ඉඟි පළ කිරීම ජාත්යන්තර මිලිටරි විශ්ලේෂකයින්ගේ දැඩි අවධානයට ලක්ව තිබේ. ඉරානය සතු මිසයිල තාක්ෂණය, ඩ්රෝන යානා සහ සමුද්රීය බෝම්බ පද්ධති පිළිබඳව බටහිර රටවල් සැක පළ කරන පසුබිමක, “සතුරාට සිතාගත නොහැකි” අලුත් යමක් ඉරානය සතු බව මෙම ප්රකාශයෙන් ගම්ය වේ.
මැදපෙරදිග කලාපයේ බලතුලනය තීරණය කරන හෝමුස් සමුද්ර සන්ධිය කේන්ද්ර කරගනිමින් පවතින මෙම අර්බුදය, ඕනෑම මොහොතක මහා පරිමාණ ගැටුමක් දක්වා වර්ධනය විය හැකි බවට මෙම ප්රකාශය තවත් සාක්ෂියක් සපයයි. ඉරානය මෙලෙස සිය යුද ශක්තිය ප්රදර්ශනය කිරීමට උත්සාහ කරන්නේ බාහිර බලපෑම් හමුවේ පසුබසින්නේ නැති බව ලොවටම පෙන්වීමට බව දේශපාලන විචාරකයෝ පෙන්වා දෙති.
තොරතුරු උපුටා ගැනීම:NBC news ඇසුරින්
