මඩකලපුව, කාත්තන්කුඩි පොලිස් බලප්රදේශයට අයත් මන්මුනේ ප්රදේශයේ නිවසක් අසල භූමියක එල්.ටී.ටී.ඊ. සංවිධානය විසින් ආයුධ සඟවා ඇති බවට ලැබුණු බුද්ධි තොරතුරකට අනුව ඊයේ (13) විශේෂ කැණීම් මෙහෙයුමක් දියත් කර තිබේ. මඩකලපුව මහේස්ත්රාත් අධිකරණයේ නියෝගයකට අනුව මෙම මෙහෙයුම ක්රියාත්මක විය.
දැඩි ආරක්ෂක රැකවල් මධ්යයේ ඊයේ පෙරවරු 10.00 සිට පස්වරු 05.00 දක්වා අදාළ භූමියේ අඩි විස්සක් පමණ ගැඹුරට කැණීම් කටයුතු සිදු කර ඇත. කෙසේ වෙතත්, එම ස්ථානයෙන් කිසිදු අවියක් හෝ පුපුරණ ද්රව්යයක් හමුනොවූ බව පොලිසිය තහවුරු කළේය. මෙහෙයුමෙන් අනතුරුව එම වළ සම්පූර්ණයෙන්ම වසා දැමීමට බලධාරීන් පියවර ගෙන තිබේ.
යුද සමයේ මෙවැනි සඟවන ලද ආයුධ පිළිබඳව තොරතුරු ලැබෙන අවස්ථාවලදී මහජන ආරක්ෂාව තහවුරු කිරීම සඳහා ආරක්ෂක අංශ මෙවැනි මෙහෙයුම් නිරන්තරයෙන් සිදු කරනු ලබයි.
