ළමයින් ඇතුළු රෝහින්ග්යා සහ බංග්ලාදේශ වැසියන් 250 කට ආසන්න පිරිසක් රැගත් නෞකාවක් පසුගිය සතියේ අන්දමන් මුහුදේදී පෙරළී යාමෙන් එම පිරිස අතුරුදහන් වී ඇති බව එක්සත් ජාතීන්ගේ සරණාගත සහ සංක්රමණ ආයතන නිවේදනය කරයි බංග්ලාදේශයේ සිට මලයාසියාව බලා ගමන් කරමින් තිබූ මෙම යාත්රාව අධික සුළං රළු මුහුද සහ මගීන් අධික ලෙස පැටවීම හේතුවෙන් ගිලී ගොස් ඇති බව වාර්තා වෙයි බංග්ලාදේශ වෙරළාරක්ෂක බලකාය විසින් මෙහි සිටි පුද්ගලයන් නව දෙනෙකු බේරාගෙන තිබේ
මියන්මාරයේ පවතින ගැටුම් සහ බංග්ලාදේශ සරණාගත කඳවුරුවල පවතින දුෂ්කර ජීවන තත්ත්වයන් හේතුවෙන් මෙම ජනතාව වඩාත් ආරක්ෂිත රටවල් සොයා මෙවැනි අවදානම් සහගත මුහුදු ගමන්වල නිරත වෙති 2017 වසරේ සිට ලක්ෂ සංඛ්යාත රෝහින්ග්යා වැසියන් මියන්මාරයේ සිට බංග්ලාදේශයට පලා ගොස් ඇති අතර මානුෂීය ආධාර සීමා වීම නිසා ඔවුන් දැඩි අසීරුතාවයට පත්ව සිටිති මෙම ඛේදවාචකය රෝහින්ග්යා අර්බුදයට ස්ථිර විසඳුමක් ලබා දීමේ හදිසි අවශ්යතාවය යළිත් ලොවට සිහිපත් කරන බව එක්සත් ජාතීන්ගේ සංවිධානය වැඩිදුරටත් අවධාරණය කරයි
