ගෝලීය වශයෙන් ප්රචලිත Uber සමාගම සිය ව්යාපාරික ආකෘතියේ දැවැන්ත වෙනසක් සිදු කරමින් රියදුරන් රහිත මෝටර් රථ (Autonomous Vehicles) දහස් ගණනක් මිලදී ගැනීමට සහ එම තාක්ෂණය නිපදවන සමාගම්වල කොටස් ලබා ගැනීමට ඩොලර් බිලියන 10 කට වඩා වැඩි මුදලක් වෙන් කර ඇති බව ෆයිනෑන්ෂල් ටයිම්ස් (Financial Times) පුවත්පත අද (15) වාර්තා කළේය මෙතෙක් කාලයක් රියදුරන් සතු වාහන මත පදනම් වූ ව්යාපාරයක් ලෙස ක්රියා කළ Uber සමාගම මෙලෙස වාහන තමන් සතු කර ගැනීමේ (Asset-heavy) ක්රමවේදයකට මාරු වීමට තීරණය කර ඇත්තේ අනාගතයේදී රියදුරන් රහිත ටැක්සි සේවාවන්ගෙන් (Robotaxis) එල්ල විය හැකි අභියෝගයන්ට මුහුණ දීම සඳහායි
මෙම නව ආයෝජනය හරහා Uber සමාගම සිය සේවාවන් සම්පූර්ණයෙන්ම ස්වයංක්රීය කිරීමට බලාපොරොත්තු වන අතර එය “ගිග් ආර්ථිකය” (Gig Economy) තුළ මෙතෙක් පැවති ක්රමවේදයට එල්ල වන ප්රබල බලපෑමකි රියදුරන් රහිත මෝටර් රථ තාක්ෂණය දියුණු කරන ප්රධාන සමාගම් කිහිපයකම හිමිකාරිත්වයට හවුල් වීම හරහා මෙම ක්ෂේත්රයේ ප්රමුඛයා ලෙස රැඳී සිටීමට Uber සමාගම මෙලෙස සැලසුම් කර තිබේ
