රුසියාවේ කළු මුහුද ආශ්රිතව පිහිටි ටුවැප්සේ (Tuapse) වරාය කලාපයට යුක්රේනය එල්ල කළ දැවැන්ත ඩ්රෝන ප්රහාරයකින් වයස අවුරුදු 5 සහ 14 යන වයස්වල පසුවන දරුවන් දෙදෙනෙකු මියගොස් ඇති බව ප්රාදේශීය ආණ්ඩුකාර වෙනියමින් කොන්ඩ්රාටිව් (Veniamin Kondratiev) අද (බ්රහස්පතින්දා) ප්රකාශ කළේය.
ටෙලිග්රෑම් පණිවිඩයක් නිකුත් කරමින් ආණ්ඩුකාරවරයා සඳහන් කළේ, මෙම ප්රහාරය හේතුවෙන් වරාය ආශ්රිතව පිහිටි ව්යාපාරික ආයතන කිහිපයකට හානි සිදුව ඇති බවයි. එසේම ප්රහාරයෙන් ප්රදේශයේ පිහිටි නිවාස කිහිපයකට ද දැඩි හානි සිදුව තිබේ. රුසියානු තෙල් නිෂ්පාදන සහ අපනයන කටයුතු සඳහා වැදගත් වන මෙම කලාපයට එල්ල වූ මෙම ප්රහාරය, යුක්රේනය විසින් රුසියාවේ බලශක්ති සහ යටිතල පහසුකම් ඉලක්ක කර ගනිමින් දියත් කරන මෙහෙයුම්වල තවත් එක් පියවරක් ලෙස සැලකේ.
