ලංකා ගල් අඟුරු සමාගමේ කොහුවල පිහිටි ප්රධාන කාර්යාලයට පනවා ඇති මුද්රා තවදුරටත් ක්රියාත්මක බව අපරාධ පරීක්ෂණ දෙපාර්තමේන්තුව (CID) පවසයි. 2009 වසරේ සිට මෙරටට ගල් අඟුරු ආනයනය කිරීමේදී සිදුව ඇතැයි පැවසෙන අක්රමිකතා සම්බන්ධයෙන් විමර්ශනයක් පවත්වන ලෙස ජනාධිපති ලේකම් නන්දික සනත් කුමානායක මහතා කළ පැමිණිල්ලකට අනුව මෙම පියවර ගෙන තිබේ.
අපරාධ පරීක්ෂණ දෙපාර්තමේන්තුව සඳහන් කරන පරිදි, දැනට දෛනිකව සිදු කළ යුතු අත්යාවශ්යම කටයුතු සඳහා පමණක් අවසර ලබා දී ඇති අතර එම කටයුතු ද CID නිලධාරීන්ගේ පූර්ණ අධීක්ෂණය යටතේ සිදු කෙරේ. පසුගිය 11 වැනිදා මෙලෙස මුද්රා තැබුණු කාර්යාලයේ ආරක්ෂාව වෙනුවෙන් පොලිස් නිලධාරීන් සහ අපරාධ පරීක්ෂණ දෙපාර්තමේන්තු නිලධාරීන්ගෙන් සමන්විත කණ්ඩායමක් පැය 24 පුරා යොදවා ඇති බව වාර්තා වේ.
