වසර 2019 සිට අත්හිටුවා තිබූ වෙනිසියුලාව සමඟ පවතින රාජ්යතාන්ත්රික සහ මූල්ය සබඳතා යළි ආරම්භ කරන බව ජාත්යන්තර මූල්ය අරමුදල (IMF) සහ ලෝක බැංකුව (World Bank) ඊයේ (16) නිවේදනය කළේය. ඇමෙරිකානු ජනාධිපති ඩොනල්ඩ් ට්රම්ප්ගේ පරිපාලනය යටතේ වෙනිසියුලාවේ සිදුවූ දේශපාලනික වෙනසත් සමඟ, එරට අන්තර්වාර ජනාධිපතිනි ඩෙල්සි රොඩ්රිගස්ගේ රජය පිළිගැනීමට මෙම ආයතන තීරණය කර තිබේ.
මෙම පියවරත් සමඟ වසර 20 කට පසු වෙනිසියුලානු ආර්ථිකය පිළිබඳ පූර්ණ සමාලෝචනයක් කිරීමට මූල්ය අරමුදලට අවස්ථාව හිමිවන අතර, ඒ හරහා දැනට අත්හිටුවා ඇති ඇමෙරිකානු ඩොලර් බිලියන 5 ක් පමණ වටිනා විශේෂ ගැනුම් හිමිකම් (SDR) අරමුදල් නිදහස් කර ගැනීමට ද මඟ පෑදෙනු ඇත. ලෝක බැංකුව ද 2005 වසරෙන් පසු පළමු වරට එරට සමඟ ගනුදෙනු ඇරඹීමට සූදානම් වන අතර, මෙය වෙනිසියුලාවේ ඩොලර් බිලියන 150 ඉක්මවන විදේශ ණය ප්රතිව්යුහගත කිරීමේ ක්රියාවලියට තීරණාත්මක බලපෑමක් කරනු ඇතැයි ආර්ථික විද්යාඥයෝ පෙන්වා දෙති. වොෂින්ටනය මේ වන විට වෙනිසියුලාවේ තෙල් සහ පතල් ක්ෂේත්රය තුළ සිය ආයෝජන පුළුල් කිරීමට ද විශේෂ උනන්දුවක් දක්වමින් සිටියි.
