ලොව නැගී එන වෙළෙඳපොළ (Frontier and Emerging Markets) ආයෝජන ක්ෂේත්රයේ පුරෝගාමියෙකු මෙන්ම ශ්රී ලංකාවේ ප්රමුඛතම විදෙස් ආයෝජකයෙකු වූ ආචාර්ය මාක් මෝබියස් මහතා අභාවප්රාප්ත වී තිබේ. මියයන විට ඔහු 89 වැනි වියේ පසුවූ අතර වසර 30කට වැඩි කාලයක් Franklin Templeton Investments ආයතනයේ සේවය කරමින් එහි වත්කම් ඇමෙරිකානු ඩොලර් බිලියන 40ක් දක්වා වර්ධනය කිරීමට සුවිශේෂී දායකත්වයක් ලබා දුන් පුද්ගලයෙකි. ආසියාව, ලතින් ඇමෙරිකාව සහ අප්රිකාව කේන්ද්ර කරගනිමින් නැගී එන වෙළෙඳපොළවල් ලොවට හඳුන්වා දීමේ ගෞරවය ඔහුට හිමි වේ.
විශේෂයෙන්ම 2015 වසරට පෙර ශ්රී ලංකාවේ භාණ්ඩාගාර බැඳුම්කර වෙළෙඳපොළ තුළ Franklin Templeton අරමුදල සතුව පැවති විශාල ආයෝජන කොටස හේතුවෙන් මෝබියස් මහතා මෙරට ආර්ථික ක්ෂේත්රය තුළ දැඩි කතාබහට ලක්විය. අවස්ථා කිහිපයකදීම මෙරට සංචාරය කර ඇති ඔහු ශ්රී ලංකාවේ දේපළ වෙළෙඳාම්, මූල්ය සහ සංචාරක කර්මාන්ත කෙරෙහි වැඩි උනන්දුවක් දැක්වූ අතර මෙරට කොටස් වෙළෙඳපොළේ ප්රමාණය කුඩා වීම සිය ආයෝජන සම්බන්ධයෙන් පැවති ප්රධාන ගැටලුවක් ලෙස පෙන්වා දුන්නේය. ඔහුගේ අභාවය ජාත්යන්තර මූල්ය ක්ෂේත්රයට මෙන්ම ශ්රී ලංකාව වැනි නැගී එන ආර්ථිකයන් සහිත රටවලට ද සුවිශේෂී පාඩුවක් වනු ඇත.
