නුවරඑළිය ග්රෙගරි වැවේදී සංචාරකයින් රැගත් බෝට්ටුවක් ජෙට් ස්කී (Jet Ski) යානයක ගැටී පෙරළී යාමේ සිද්ධිය සම්බන්ධයෙන් බෝට්ටු ක්රියාකරු සහ ජෙට් ස්කී ක්රියාකරු පොලිස් අත්අඩංගුවට ගෙන තිබේ. ඊයේ (අප්රේල් 19) උදෑසන සිදුවූ මෙම අනතුරෙන් බෝට්ටුවේ සිටි සියලුම සංචාරකයින් ජලයට වැටී ඇත.
අනතුර සිදුවූ වහාම ක්රියාත්මක වූ නුවරඑළිය පොලිස් ජීවිතාරක්ෂක ඒකකය විසින් ජලයට වැටුණු පිරිස ආරක්ෂිතව බේරාගැනීමට සමත් විය. මෙම අනතුරෙන් කිසිදු ජීවිත හානියක් සිදුවී නොමැති අතර කිහිපදෙනෙකුට සුළු තුවාල සිදුවී ඇති බව බලධාරීන් තහවුරු කරයි.
නුවරඑළිය පොලිසිය විසින් අත්අඩංගුවට ගත් සැකකරුවන් දෙදෙනා අද (අප්රේල් 20) නුවරඑළිය දිස්ත්රික් අධිකරණයට ඉදිරිපත් කිරීමට නියමිතය. උත්සව සමය හේතුවෙන් නුවරඑළියට විශාල සංචාරකයින් පිරිසක් පැමිණ සිටින බැවින්, ජල ක්රීඩාවලදී ආරක්ෂිත පියවර අනුගමනය කිරීමේ වැදගත්කම පිළිබඳව පොලිසිය දැඩි අවධානයක් යොමු කර තිබේ.
