එක්සත් රාජධානියේ මහ කොමසාරිස් ඇන්ඩෘ පැට්රික් මහතා සහ වරාය, සිවිල් ගුවන්සේවා සහ බලශක්ති අමාත්ය අනුර කරුණාතිලක මහතා අතර විශේෂ සාකච්ඡාවක් අද (අප්රේල් 21) පවත්වා තිබේ. ශ්රී ලංකාවේ වරාය සහ ගුවන්තොටුපළ ක්ෂේත්රයන්හි සංවර්ධන කටයුතු සඳහා රාජ්ය සහ පෞද්ගලික හවුල්කාරීත්වය (PPP) ලබා දීමට මෙහිදී මහ කොමසාරිස්වරයා සිය කැමැත්ත පළ කළේය.
විශේෂයෙන්ම ගුවන්තොටුපළ මෙහෙයුම් සඳහා අවශ්ය නවීන තාක්ෂණික උපකරණ සහ ගුවන් අවකාශ කළමනාකරණය වැනි අත්යවශ්ය අංශ වෙනුවෙන් විදේශ ආයෝජන සහ බ්රිතාන්ය විශේෂඥ සහාය ලබා දීමට හැකි බව මහ කොමසාරිස්වරයා මෙහිදී පෙන්වා දුන්නේය. කොළඹ වරාය සතු ලෝක මට්ටමේ සම්පත් සහ ඉදිරි වසර 15 සඳහා සකස් කර ඇති ආකර්ෂණීය සංවර්ධන සැලසුම් පිළිබඳව ද ඔහු සිය ප්රසාදය පළ කළේය.
සාකච්ඡාවේදී අදහස් දැක්වූ අමාත්ය අනුර කරුණාතිලක මහතා සඳහන් කළේ, වරාය පර්යන්ත කිහිපයක් දැනටමත් පෞද්ගලික හවුල්කාරීත්වය ඇතිව මෙහෙයුම් සිදුකරන බවත්, ඉදිරි පර්යන්ත සඳහා ද එවැනි ආයෝජන අපේක්ෂා කරන බවත්ය. වාණිජ කටයුතුවලට අමතරව කොළඹ වරාය සංචාරක කර්මාන්තයට හිතකර ලෙස සංවර්ධනය කිරීමට ද බ්රිතාන්යයේ සහය ලබාගත හැකි බව මහ කොමසාරිස්වරයා මෙහිදී යෝජනා කළේය.
සාකච්ඡාව අවසානයේ අමාත්යවරයා අවධාරණය කළේ යුරෝපීය රටවල් ඇතුළු විදේශ ආයෝජකයින් සමඟ හවුල්කාරීත්වය වැඩි කර ගැනීම හරහා ජාත්යන්තර සහයෝගීතාව වර්ධනය කිරීම සහ මෙරටට උපරිම ආර්ථික ප්රතිලාභ ලබා ගැනීම රජයේ ඉලක්කය බවයි. මෙම හමුව සඳහා එක්සත් රාජධානියේ නියෝජ්ය මහ කොමසාරිස් තෙරේසා ඕ මහෝනි මහත්මිය සහ වරාය සහ සිවිල් ගුවන්සේවා නියෝජ්ය අමාත්ය ජනිත රුවන් කොඩිතුවක්කු මහතා ද එක්ව සිටියහ.
