ශ්රී ලංකා ක්රිකට් පාලක මණ්ඩලයේ සභාපති ශම්මි සිල්වා මහතාට ධුරයෙන් ඉල්ලා අස්වන ලෙස ජනාධිපති අනුර කුමාර දිසානායක මහතා දැනුම් දී ඇති බවට සමාජ මාධ්ය හා විවිධ පුවත් ඔස්සේ පැතිර යන වාර්තා සම්පූර්ණයෙන්ම අසත්ය බව රජය නිල වශයෙන් ප්රකාශ කරයි. අද (22) පස්වරුවේ පැවති කැබිනට් තීරණ දැනුම්දීමේ මාධ්ය හමුවේදී කැබිනට් මාධ්ය ප්රකාශක අමාත්ය නලින්ද ජයතිස්ස මහතා මේ බව තහවුරු කළේය.
මාධ්යවේදීන් නැගූ ප්රශ්නයකට පිළිතුරු දෙමින් අමාත්යවරයා අවධාරණය කළේ ක්රිකට් සභාපතිවරයාට එවැනි කිසිදු දැනුම්දීමක් ජනාධිපතිවරයා විසින් සිදු කර නොමැති බවයි. පවතින දේශපාලන වාතාවරණය තුළ ක්රිකට් ආයතනයේ වෙනස්කම් සිදුවන බවට පළ වූ අසත්ය ප්රචාර නිවැරදි කරමින් රජය මෙම පැහැදිලි කිරීම සිදු කර ඇත.
