චීනය සතු කෘතිම බුද්ධි (AI) සහ සුපිරි පරිගණක බලය (Computing power) පිළිබඳව නවතම වාර්තාවක් නිකුත් වී ඇති අතර එය ලෝකය මවිතයට පත් කරවන කරුණු කිහිපයක් අනාවරණය කරයි. චීන කර්මාන්ත හා තොරතුරු තාක්ෂණ අමාත්යාංශයට (MIIT) අනුව ඔවුන් මේ වන විට ‘එක්සාෆ්ලොප්ස්’ (Exaflops) 1,882 ක පරිගණක වේගයක් අත්පත් කරගෙන ඇත.
මෙම නව දත්තයන්ට අනුව චීනයේ පරිගණක බලය, ලෝකයේ සුපිරි පරිගණක ශ්රේණිගත කරන ‘Top500’ ලැයිස්තුවේ සඳහන් අගයට වඩා 6,000 ගුණයකටත් වඩා වැඩිය. මෙයින් පෙනී යන්නේ චීනය සිය ප්රසිද්ධ වාර්තාවලට වඩා ඉතා විශාල “අඳුරු” (Dark pool) පරිගණක බලයක් රහසිගතව ගොඩනගා ඇති බවයි. චීනය ලබාගෙන ඇති මෙම වේගය තත්පරයකට ගණනය කිරීම් ක්වින්ටිලියන (Quintillion) 1,882 ක් සිදු කිරීමට සමාන වේ.
ඇමරිකා එක්සත් ජනපදය සමඟ පවතින තාක්ෂණික තරගකාරිත්වය හමුවේ චීනය ලබාගෙන ඇති මෙම දැවැන්ත ප්රගතිය, කෘතිම බුද්ධි ක්ෂේත්රයේ අනාගතය පිළිබඳව තීරණාත්මක සාධකයක් වනු ඇතැයි විද්වතුන් පෙන්වා දෙයි.
