ජර්මනියේ මාර්බර්ග් විශ්වවිද්යාලය (Marburg University) මගින් සිදු කරන ලද නවතම අධ්යයනයකට අනුව, වෛද්ය විද්යාත්මක දැනුම පරීක්ෂා කරන සම්මත පරීක්ෂණවලදී වෛද්යවරුන් සහ වෛද්ය සිසුන් අභිබවා යාමට කෘතිම බුද්ධි (AI) මාදිලි සමත් වී තිබේ. විශේෂයෙන්ම උග්ර වකුගඩු ආබාධ (AKI) සම්බන්ධයෙන් පවත්වන ලද පරීක්ෂණයකදී ක්ෂේත්රයේ ප්රවීණයන්ට වඩා ඉහළ ලකුණු ලබා ගැනීමට LLM (Large Language Models) මාදිලි සමත් විය.
AI මගින් තත්පර කිහිපයකින් වෘත්තීය මට්ටමේ වාර්තාවක් ලබා දුන්නද, රෝගියකුගේ තත්ත්වය පිළිබඳව අවසන් තීරණය ගැනීමේදී මනුෂ්ය සාධකය (Human factor) තීරණාත්මක වේ. වෛද්යවරයකු සතු අත්දැකීම්, රෝගියාගේ ස්වභාවය අවබෝධ කර ගැනීම සහ සංවේදීතාව (Empathy) වැනි දේ AI සතු නොවේ.
වෛද්ය විද්යාවේදී AI භාවිත කළ යුත්තේ ක්ෂේත්රයේ ප්රවීණ වෛද්යවරුන්ගේ මගපෙන්වීම යටතේ පමණක් බව විද්යාඥයෝ අවධාරණය කරති. තාක්ෂණය නිවැරදිව තේරුම් ගත හැකි සහ එය ප්රායෝගිකව යොදාගත යුතු ආකාරය දන්නා වෛද්යවරයකු නොමැතිව AI මගින් ලබා දෙන උපදෙස් අවදානම් සහගත විය හැකිය.
AI සායනික භාවිතයට එක් කිරීමේදී පවතින අවදානම් පිළිබඳව දැඩි අවධානයක් යොමු කළ යුතුය. රෝග ලක්ෂණ විස්තර කිරීමෙන් පමණක් ලබා දෙන තක්සේරු කිරීම් සැමවිටම නිවැරදි නොවිය හැකි බැවින්, වෛද්යවරයකු හමුවීමට පෙර AI මතම පමණක් විශ්වාසය තැබීම අනතුරුදායක විය හැකි බව හැනෝවර් මෙස් (Hannover Messe 2026) ප්රදර්ශනයේදී ද සාකච්ඡා විය.
