ක්රිෂ් ගනුදෙනුවට අදාළව පාර්ලිමේන්තු මන්ත්රී නාමල් රාජපක්ෂ මහතාට එරෙහිව පවරා ඇති නඩුව ලබන මැයි මස 29 වනදා යළි කැඳවීමට කොළඹ මහාධිකරණය අද (23) නියෝග කළේය. මහාධිකරණ විනිසුරු නදී අපරණා සුවඳුරුගොඩ මහත්මිය ඉදිරියේ මෙම නඩුව කැඳවූ අවස්ථාවේදී විත්තිකාර නාමල් රාජපක්ෂ මහතා අධිකරණය හමුවේ පෙනී සිටියේය.
මෙරට රග්බි ක්රීඩාව ප්රවර්ධනය කිරීමේ අරමුණින් ඉන්දියාවේ ක්රිෂ් සමාගමෙන් රුපියල් මිලියන 70ක මුදලක් ලබාගෙන එය සාවද්ය ලෙස පරිහරණය කරමින් සාපරාධී විශ්වාසය කඩ කළ බවට නීතිපතිවරයා විසින් මොහුට එරෙහිව චෝදනා ගොනු කර ඇත. ඒ අනුව නඩුවේ වැඩිදුර කටයුතු මැයි මස අග භාගයේදී විභාගයට ගැනීමට නියමිතය.
