2026 රාජ්ය වෙසක් උත්සවයේ නිල වැඩසටහනට සමගාමීව, මැයි මස 02 වැනිදාට යෙදී තිබූ රජයේ නිවාඩුව මැයි මස 31 වැනිදා දක්වා සංශෝධනය කරමින් රාජ්ය පරිපාලන, පළාත් සභා සහ පළාත් පාලන අමාත්යාංශය අති විශේෂ ගැසට් නිවේදනයක් නිකුත් කර තිබේ. මෙම වසරේ වෙසක් පොහොය මැයි 01 සහ 02 යන දිනවලට යෙදී තිබුණද, මහානායක හිමිවරුන්ගේ ඉල්ලීම පරිදි රාජ්ය වෙසක් උත්සවය මැයි 30 වැනිදා පැවැත්වීමට රජය ගත් තීරණය මත මෙම වෙනස්කම් සිදුකර ඇත.
ඒ අනුව, අමාත්ය මණ්ඩලය විසින් මෙවර වෙසක් සතිය මැයි 27 වැනිදා සිට ජූනි 02 වැනිදා දක්වා කාලය තුළ පැවැත්වීමට තීරණය කර තිබේ. රාජ්ය වෙසක් උත්සවය මැයි 30 වැනිදා පැවැත්වෙන බැවින්, ඊට පසුදින වන මැයි 31 වැනිදා රජයේ නිවාඩු දිනයක් ලෙස ප්රකාශයට පත් කරමින් නිල වශයෙන් මෙම ගැසට් නිවේදනය නිකුත් කර ඇත.
මෙම සංශෝධනය මගින් වෙසක් සැමරුම් කටයුතු වඩාත් සංවිධානාත්මකව සිදු කිරීමටත්, රාජ්ය උත්සවයට සමගාමීව බැතිමතුන්ට ආගමික වතාවත්වල නිරත වීමට අවශ්ය පහසුකම් සැලසීමටත් රජය අපේක්ෂා කරයි.
