මෙම වසරේ මුල් මාස තුන තුළ විදේශගත ශ්රමිකයන් මෙරටට එවූ ප්රේෂණ ප්රමාණය පසුගිය වසරේ මුල් කාර්තුවට සාපේක්ෂව සියයට 26.5ක කැපී පෙනෙන වර්ධනයක් අත්කරගෙන තිබේ. ශ්රී ලංකා මහා බැංකුවේ දත්ත උපුටා දක්වමින් විදේශ සේවා නියුක්ති කාර්යාංශය සඳහන් කරන්නේ 2026 ජනවාරි සිට මාර්තු දක්වා කාලය තුළ අමෙරිකානු ඩොලර් බිලියන 2.294ක ප්රේෂණ ප්රමාණයක් මෙරටට ලැබී ඇති බවයි. මෙය 2025 වසරේ එම කාලය තුළ ලැබුණු ඩොලර් බිලියන 1.815ක ප්රමාණය හා සැසඳීමේදී විශාල ප්රගතියකි.
මාසික පදනමින් ගත්කළ, ජනවාරි මාසයේදී ඩොලර් මිලියන 751ක්ද, පෙබරවාරි මාසයේදී ඩොලර් මිලියන 729ක්ද ලැබී ඇති අතර මාර්තු මාසයේදී එය ඩොලර් මිලියන 815ක් දක්වා තවදුරටත් ඉහළ ගොස් ඇත. රාජ්ය මූල්ය අංශ කෙරෙහි ඇති විශ්වාසය ඉහළ යාම සහ නීත්යානුකූල බැංකු පද්ධතිය හරහා මුදල් එවීම සඳහා ශ්රමිකයන් උනන්දු කරවීම මෙම වර්ධනයට ප්රධාන හේතු වී තිබේ. මීට අමතරව, වසරේ පළමු මාස තුන තුළ ශ්රමිකයන් 62,145 දෙනකු විදේශ රැකියා සඳහා පිටත්ව ගොස් ඇති බවද වාර්තා වේ.
