ඉපලෝගම ප්රාදේශීය සභාවේ ජාතික ජන බලවේගය (NPP) නියෝජනය කරන මන්ත්රීවරයෙකු සහ ඔහුගේ බිරිඳ ඇතුළු පිරිසක් එල්ල කළ බව කියන පහරදීමකින් තුවාල ලැබූ අඹුසැමි යුවළක් රෝහල්ගත කර තිබේ. ඉපලෝගම, හිරිපිටියාගම ක්රීඩාංගණයේ පැවති ප්රාදේශීය සභා අවුරුදු උළෙල අතරතුර මෙම ගැටුම සිදුව ඇති බව වාර්තා වේ.
පහරදීමෙන් තුවාල ලැබූ කාන්තාව සහ ඇයගේ සැමියා මුලින්ම කැකිරාව දිසා රෝහලට ඇතුළත් කර ඇති අතර, පසුව වැඩිදුර ප්රතිකාර සඳහා දඹුල්ල දිස්ත්රික් මූලික රෝහල වෙත මාරු කර යවා ඇත. මෙම සිද්ධිය සම්බන්ධයෙන් අදාළ මන්ත්රීවරයාට සහ ඔහුගේ බිරිඳට එරෙහිව ඉපලෝගම පොලිස් ස්ථානයට පැමිණිල්ලක් ද ඉදිරිපත් කර තිබේ.
පොලිස් ස්ථානාධිපතිවරයා සඳහන් කරන පරිදි, මෙම පහරදීම පෞද්ගලික ආරවුලක් මත සිදුවූවක් බවට සැක කෙරේ. සිද්ධිය සම්බන්ධයෙන් ප්රකාශ ලබාගනිමින් පවතින අතර, සැකකාර මන්ත්රීවරයා සහ අනෙකුත් පිරිස සම්බන්ධයෙන් ඉදිරි විමර්ශන ක්රියාත්මක බව ඉපලෝගම පොලිසිය වැඩිදුරටත් තහවුරු කළේය.
