ජනාධිපති අනුර කුමාර දිසානායක මහතාගේ ප්රධානත්වයෙන් හෙට (28) කොළඹදී පැවැත්වීමට නියමිත “Walk for Peace Program Sri Lanka” වැඩසටහන හේතුවෙන් කොළඹ නගරයේ විශේෂ රථවාහන සැලැස්මක් ක්රියාත්මක කරන බව ශ්රී ලංකා පොලීසිය දැනුම් දෙයි.
සාමය සඳහා වන මෙම පාගමන හෙට (28) පස්වරු 04.00 ට නිදහස් චතුරස්ර පරිශ්රයෙන් ආරම්භ වේ. ඒ අනුව හෙට පෙරවරු 11.00 සිට අවස්ථානුකූලව මාර්ග කිහිපයක වාහන ගමනාගමනය සීමා කෙරේ.
වාහන ගමනාගමනය සීමා වන ප්රධාන මාර්ග සහ ප්රදේශ
බණ්ඩාරනායක වටරවුම සිට බේස්ලයින් මාර්ගය හරහා බොරැල්ල හන්දිය දක්වා
මරදාන පාර, නන්දදාස කෝදාගොඩ මාවත, වෝඩ් පෙදෙස සහ සොයිසා වටරවුම
ලිප්ටන් වටරවුම, ධර්මපාල මාවත, එෆ්. ආර්. සේනානායක මාවත සහ සී.ඩබ්ලිව්.ඩබ්ලිව්. කන්නංගර මාවත
හෝර්ටන් වටරවුම, නිදහස් මාවත, ප්රේමසිරි කේමදාස මාවත සහ කේම්බ්රිජ් පෙදෙස
ග්ලාස් හවුස්, මාර්කස් ප්රනාන්දු මාවත, මල් පාර, පිත්තල හන්දිය සහ ජේම්ස් පීරිස් මාවත
මුත්තයියා පාර, බේබෲක් වීදිය, ස්ටැපල් වීදිය සහ ගංගාරාම විහාරස්ථානය අවට මාර්ග
මෙම කාලසීමාව තුළ ඇති විය හැකි දැඩි රථවාහන තදබදය මගහරවා ගැනීම සඳහා හැකිතාක් විකල්ප මාර්ග භාවිත කරන ලෙස ශ්රී ලංකා පොලීසිය රියදුරන්ගෙන් සහ මහජනතාවගෙන් ඉල්ලා සිටියි. විශේෂයෙන් කොළඹ නගරයට ඇතුළු වන සහ පිටවන ජනතාව මේ පිළිබඳව කල්වේලා ඇතිව සැලකිලිමත් වීම වැදගත් වේ.
