කල් ඉකුත් වූ පානීය ජල බෝතල් උපරිම සිල්ලර මිලට වඩා වැඩි මිලකට අලෙවි කළ දඹුල්ල ප්රදේශයේ අවන්හලකට රුපියල් 510,000ක දඩයක් නියම කිරීමට දඹුල්ල මහේස්ත්රාත් අධිකරණය අද (අප්රේල් 29) පියවර ගෙන තිබේ.
පාරිභෝගික කටයුතු පිළිබඳ අධිකාරියේ මාතලේ දිස්ත්රික් කාර්යාලයේ නිලධාරීන් විසින් සිදුකළ වැටලීමකදී මෙම වංචාව අනාවරණය වී ඇත. එහිදී රුපියල් 80ක උපරිම සිල්ලර මිලක් සහිත ජල බෝතල් රුපියල් 120 බැගින් අලෙවි කර ඇති අතර, එම බෝතල් 2026 මාර්තු 15 වන දිනෙන් කල් ඉකුත් වී තිබූ බව විමර්ශනවලදී හෙළි විය.
කල් ඉකුත් වූ ආහාර හෝ පාන වර්ග අලෙවි කිරීම සහ නියමිත මිලට වඩා වැඩි මිලක් අය කිරීම පාරිභෝගික ආරක්ෂණ නීති උල්ලංඝනය කිරීමක් බව නිලධාරීන් අවධාරණය කරයි. මේ සම්බන්ධයෙන් සැමවිටම අවධානයෙන් සිටින ලෙසත්, නිෂ්පාදන මිලදී ගැනීමට පෙර කල් ඉකුත් වීමේ දිනයන් පරීක්ෂා කරන ලෙසත් පාරිභෝගිකයන්ගෙන් ඉල්ලා සිටිනු ලැබේ.
