ශ්රී ලංකාවේ පවතින අලි-මිනිස් ගැටුම හේතුවෙන් මේ වසරේ අප්රේල් 25 වන දා වන විට පුද්ගලයන් සහ අලින් ඇතුළුව ජීවිත 427ක් අහිමි වී ඇති බව නවතම දත්ත වාර්තා කරයි.
වනජීවී සංරක්ෂණ දෙපාර්තමේන්තුවට අනුව 2026 වසරේ මේ දක්වා වන අලි 108 දෙනෙකු මියගොස් ඇති අතර වන අලි ප්රහාර හේතුවෙන් පුද්ගලයන් 35 දෙනෙකුට සිය ජීවිත අහිමි වී ඇත. වන අලි මරණවලට හේතු වී ඇති කරුණු අතර වෙඩි තැබීම්වලින් සිදු වූ මරණ 16ක්, විදුලි සැර වැදීමෙන් සිදු වූ මරණ 14ක්, “හක්ක පටස්” හේතුවෙන් සිදු වූ මරණ 9ක් සහ දුම්රිය අනතුරුවලින් සිදු වූ මරණ 5ක් ඇතුළත් වේ. සෙසු මරණ ස්වභාවික හේතූන් හෝ හඳුනා නොගත් හේතූන් මත සිදු වී ඇති බව වාර්තා වේ. මියගිය වන අලින්ගෙන් බහුතරය පැටවුන් වන අතර වැඩිම අලි මරණ සංඛ්යාවක් වාර්තා වී ඇත්තේ නැගෙනහිර පළාතෙනි.
