ඉන්දියාවේ විශාලතම රාජ්ය අංශයේ පිරිපහදු ආයතනය වන ඉන්දීය ඔයිල් කෝපරේෂන් (Indian Oil Corporation) සමාගම විසින් කාර්මික අංශය සඳහා භාවිත කරන ද්රව පෙට්රෝලියම් ගෑස් (LPG) සහ විදේශීය ගුවන් සේවා සඳහා යොදාගන්නා ජෙට් ඉන්ධන මිල ගණන් අද (මැයි 01) සිට ක්රියාත්මක වන පරිදි ඉහළ නංවා තිබේ. මෙම තීරණය අනුව කාර්මික ක්ෂේත්රයේ භාවිත කරන කිලෝග්රෑම් 19ක වාණිජ එල්.පී. ගෑස් සිලින්ඩරයක මිල රුපියල් 993කින් එනම් 47.8%ක ප්රතිශතයකින් ඉහළ ගොස් ඇති අතර, ඒ අනුව එම සිලින්ඩරයක නව මිල රුපියල් 3,071.50ක් වේ. එමෙන්ම ජාත්යන්තර ගුවන් සේවා සඳහා යොදාගන්නා ගුවන් යානා ඉන්ධන (Aviation turbine fuel) මිල ද කිලෝලීටරයකට ඇමෙරිකානු ඩොලර් 76.55කින් ඉහළ දමා ඇති අතර, එහි නව මිල කිලෝලීටරයක් සඳහා ඇමෙරිකානු ඩොලර් 1,511.86ක් ලෙස සටහන් වේ. ඉන්ධන මිල ගණන්වල සිදුවූ මෙම සැලකිය යුතු වෙනස්කම් ඉන්දීය බලශක්ති වෙළඳපොළට සහ ජාත්යන්තර ගුවන් ගමන් අංශයට සෘජු බලපෑමක් ඇති කරනු ඇතැයි අපේක්ෂා කෙරේ.
