දූෂණයට සහ සංවිධානාත්මක අපරාධවලට එරෙහිව රජය ගෙන යන නීතිමය ක්රියාමාර්ග දැඩි කර ඇති බවත්, මූල්ය අක්රමිකතාවලට අදාළ ප්රමුඛ පෙළේ නඩු රැසක තීන්දු ඉදිරි මාසවලදී ලැබීමට නියමිත බවත් ජනාධිපති අනුර කුමාර දිසානායක මහතා පවසයි. නුවරඑළිය දිස්ත්රික් මැයි දින රැලිය අමතමින් ජනාධිපතිවරයා මේ බව අවධාරණය කළේය.
අපරාධ පරීක්ෂණ දෙපාර්තමේන්තුව සහ අල්ලස් හෝ දූෂණ විමර්ශන කොමිෂන් සභාව වැනි ආයතන ශක්තිමත් කිරීම හරහා දැනට පවතින පරීක්ෂණ කඩිනම් කර ඇති බව ජනාධිපතිවරයා සඳහන් කළේය. දේශපාලන තරාතිරම හෝ පවුල් සබඳතා නොබලා නීතිය ක්රියාත්මක කරන බවත්, දූෂණ නඩු විභාග කිරීම සඳහා අධිකරණ පහසුකම් පුළුල් කර ඇති බවත් ඔහු පැවසීය.
“මේ ආණ්ඩුව දශක ගණනාවකට හොල්ලන්න බැරි ආණ්ඩුවක් බව මතක තබා ගන්න” යැයි පැවසූ ජනාධිපතිවරයා, ජනතාව ලබාදුන් ජනවරමට අනුව පියවරෙන් පියවර රට ගොඩනගන බව සහතික විය. විමර්ශන පිළිබඳව කලබල වී සිටින්නේ සාමාන්ය ජනතාව නොව විමර්ශනයට ලක්ව සිටින පුද්ගලයන් බව ද ඔහු පෙන්වා දුන්නේය.
ණය ලබාගැනීමෙන් හෝ මුදල් අච්චු ගැසීමෙන් තොරව, රාජ්ය මුදල් ඉතිරි කරමින් ජනතාවගේ වැඩකටයුතු සඳහා යොදවන බව ජනාධිපතිවරයා පැවසීය. දිට්වාවලට රුපියල් කෝටි 5000ක් වෙන් කර ඇත්තේ ද එවැනි ඉතිරි කිරීම් මගින් බව ඔහු මෙහිදී අනාවරණය කළේය.
