රුපියල් ලක්ෂ 4190ක දේශීය ආදායම් බදු ගෙවීම පැහැර හැර ඇති බවට චෝදනා එල්ල වී සිටින ප්රකට නිරූපණ ශිල්පිනී පියුමි හංසමාලි සහ විරංජිත් තාබුගල යන අයට එරෙහිව පවරා ඇති නඩු දෙක නීතිපති උපදෙස් ලැබෙන තෙක් බහා තැබීමට කොළඹ අතිරේක මහෙස්ත්රාත් ඕෂධ මිගාර මහාරච්චි මහතා නියෝග කළේය.
දේශීය ආදායම් කොමසාරිස්වරයා විසින් පවරා ඇති මෙම පැමිණිලිවලට අනුව වගඋත්තරකාර පියුමි හංසමාලි රුපියල් ලක්ෂ 2250ක මුදලක් සහ විරංජිත් තාබුගල රුපියල් ලක්ෂ 1940ක මුදලක් වශයෙන් රජයට ගෙවිය යුතු බදු මුදල් පැහැර හැර ඇති බවට චෝදනා කර තිබේ.
නඩුව කැඳවූ අවස්ථාවේදී දේශීය ආදායම් කොමසාරිස්වරයා වෙනුවෙන් පෙනී සිටි නීතිඥවරයා දන්වා සිටියේ අදාළ විමර්ශන කටයුතු මේ වන විට සම්පූර්ණයෙන් අවසන් කර ඇති බවයි. එම විමර්ශනවලට අදාළ උධෘත ගොනු ඉදිරි නීතිමය පියවර ගැනීම සඳහා නීතිපතිවරයා වෙත යොමු කර ඇති බවත්, එහෙත් ඒ සම්බන්ධයෙන් වන නීතිපති උපදෙස් මෙතෙක් ලැබී නොමැති බවත් ඔහු අධිකරණයට කරුණු පැහැදිලි කළේය.
