2026 වසර දූෂිතයන්ට, වංචනිකයන්ට සහ හොරුන්ට සිරගෙවල් නියම කරන වසර බවට පත්වන බව ජනාධිපති අනුර කුමාර දිසානායක මහතා අවධාරණය කළේය. ජාත්යන්තර කම්කරු දිනය වෙනුවෙන් ජාතික ජනබලවේගය සංවිධානය කළ මැයි දින රැලියකට එක්වෙමින් ජනාධිපතිවරයා මෙම අදහස් පළ කළේය.
ලංකා ඉතිහාසයේ පළමු වතාවට ජාතික ජනබලවේගය සමඟ එක්ව ජනතාව මැයි දින රැළි 21ක් පවත්වන බව ජනාධිපතිවරයා මෙහිදී සඳහන් කළේය. මෙමඟින් වත්මන් රජය කෙරෙහි ජනතාව තුළ පවතින දැඩි විශ්වාසය තහවුරු වන බව ඔහු වැඩිදුරටත් පෙන්වා දුන්නේය.
ජාතික ජනබලවේගයේ මෙවර මැයි දින රැලී මාලාවේ පළමු රැලිය නුවරඑළියේදී පැවැත්වුණු අතර එය විශේෂයෙන්ම මලයගම් කම්කරු ජනතාව වෙනුවෙන් සංවිධානය කර තිබුණි. නුවරඑළිය දිස්ත්රික් මහරෝහල අසලින් ආරම්භ වූ මැයි දින පෙළපාලිය සඳහා ආගමික නායකයින්, දේශපාලන නියෝජිතයින් සහ විශාල වශයෙන් වැඩකරන ජනතාව සහභාගී වී සිටියහ.
