යුක්රේනය යුරෝපා සංගමයට ඇතුළත් කර ගැනීම සම්බන්ධයෙන් යුක්රේන ජනාධිපති වොලොඩිමියර් සෙලෙන්ස්කි මහතා සහ ස්ලෝවැකියානු අග්රාමාත්ය රොබට් ෆිකෝ මහතා අතර දුරකථන සංවාදයක් පැවැත්වී තිබේ. දෙරට අතර ශක්තිමත් සබඳතා පවත්වා ගැනීමේ වැදගත්කම පිළිබඳව මෙහිදී දෙපාර්ශවයම එකඟතාව පළ කර ඇති අතර, යුක්රේනයේ යුරෝපා සංගම් සාමාජිකත්වය සඳහා ස්ලෝවැකියාවේ සහාය ලැබෙන බවත්, සාමාජිකත්වය ලබා ගැනීමේ අත්දැකීම් බෙදා ගැනීමට එම රට සූදානම් බවත් සෙලෙන්ස්කි මහතා ‘X’ සමාජ මාධ්ය ඔස්සේ සඳහන් කළේය.
මෙම සාකච්ඡාවේදී දෙරටේ නායකයින් අතර නුදුරු අනාගතයේදී හමුවීමක් සිදු කිරීමේ හැකියාව පිළිබඳවද අවධානය යොමු කර තිබේ. රුසියාව සහ ඉරානය අතර පවතින ගැටුම්කාරී වටපිටාවකදී යුක්රේනය මෙවැනි රාජ්ය තාන්ත්රික සබඳතා ශක්තිමත් කර ගැනීම කලාපීය වශයෙන් වැදගත් පියවරක් ලෙස සැලකේ.
