සිරියාවේ සිර කඳවුරක වසර ගණනාවක් ගත කළ ඉස්ලාමීය රාජ්ය (IS) සංවිධානයට සම්බන්ධ කාන්තාවන් සහ දරුවන් 13 දෙනෙකුගෙන් යුත් කණ්ඩායමක් යළි ඕස්ට්රේලියාව බලා පැමිණීමට ගුවන් ටිකට්පත් වෙන් කරගෙන තිබේ. මෙම පිරිස 2019 වසරේ සිට උතුරු සිරියාවේ අල්-රොජ් කඳවුරේ ජීවත් වූ 34 දෙනෙකුගෙන් යුත් විශාල කණ්ඩායමක කොටසකි.
ඕස්ට්රේලියානු රජය සඳහන් කරන්නේ මෙම පිරිස ආපසු ගෙන්වා ගැනීම සඳහා කිසිදු නිල මැදිහත්වීමක් හෝ සහයෝගයක් ලබා දී නොමැති බවයි. ගුවන් ටිකට්පත් වෙන් කරගත් මොහොතේම ඒ පිළිබඳව බලධාරීන්ට අනතුරු ඇඟවීමක් ලැබී ඇති අතර, ඔවුන් ඕස්ට්රේලියාවට පැමිණි පසු නීතිය ඉදිරියට පැමිණවීමට කටයුතු කරන බව ස්වදේශ කටයුතු අමාත්ය ටෝනි බර්ක් මහතා පවසයි.
ඕස්ට්රේලියානු ෆෙඩරල් පොලිසිය (AFP) සඳහන් කරන්නේ මෙම පිරිස අතරින් අපරාධවලට සම්බන්ධ වූවන් අත්අඩංගුවට ගෙන චෝදනා ගොනු කරන බවයි. ඉතිරි පිරිස අඛණ්ඩව විමර්ශනයට ලක් කරන අතර, ළමුන් සඳහා විශේෂ පුනරුත්ථාපන සහ ප්රජා ඒකාබද්ධතා වැඩසටහන් ක්රියාත්මක කිරීමට නියමිතය. ඕස්ට්රේලියානු ආරක්ෂක බුද්ධි අංශය (ASIO) පවසන්නේ ඔවුන්ගේ ක්රියාකාරකම් දැඩි නිරීක්ෂණයකට ලක් කරන බවයි.
