නවසීලන්තය බලාපොරොත්තු වන සංක්රමණිකයන් සඳහා 2027 වසරේ සිට නව පුරවැසි පරීක්ෂණයක් (Citizenship test) හඳුන්වා දීමට එරට අභ්යන්තර කටයුතු අමාත්යාංශය පියවර ගෙන තිබේ. මෙම නව ක්රමවේදය යටතේ අයදුම්කරුවන්ට බහුවරණ ප්රශ්න 20කින් සමන්විත පරීක්ෂණයකට මුහුණ දීමට සිදුවන අතර, එයින් ප්රශ්න 15කට නිවැරදි පිළිතුරු ලබා දීම අනිවාර්ය වේ.
නව පරීක්ෂණය සඳහා බිල් ඔෆ් රයිට්ස් පනත, මානව හිමිකම්, ප්රජාතන්ත්රවාදී මූලධර්ම, රජයේ ව්යුහය සහ ඡන්ද අයිතිය වැනි වැදගත් මාතෘකා රැසක් ඇතුළත් වේ. මෙතෙක් පැවති ක්රමවේදය වූයේ පුරවැසිභාවයේ වගකීම් සහ වරප්රසාද තේරුම් ගෙන ඇති බවට ප්රකාශනයක් අත්සන් කිරීම පමණි.
මෙම පියවර මඟින් සංක්රමණිකයන් නවසීලන්තයේ වගකීම් සහ අයිතිවාසිකම් පිළිබඳව මනා අවබෝධයකින් සිටින බව තහවුරු කිරීම අරමුණු කරයි. ඒ අනුව 2027 වසරේ දෙවන භාගයේ සිට මෙම පරීක්ෂණය අනිවාර්ය අවශ්යතාවක් බවට පත්වනු ඇත.
