බාල වයස්කාර දැරියක අපයෝජනය කිරීමේ සහ පැහැරගැනීමේ චෝදනා මත අත්අඩංගුවට ගත් පල්ලේගම හේමරතන හිමියන් හෙට (12) දින දක්වා රක්ෂිත බන්ධනාගාරගත කරන ලෙස කොළඹ අතිරේක මහේස්ත්රාත් කසුන් කාංචන දිසානායක මහතා නියෝග කර තිබේ. අසනීප තත්ත්වයක් හේතුවෙන් පෞද්ගලික රෝහලක ප්රතිකාර ලබමින් සිටියදී අත්අඩංගුවට පත් වූ උන්වහන්සේව, අධිකරණ වෛද්ය නිලධාරියාගේ නිර්දේශ මත කොළඹ ජාතික රෝහලට හෝ බන්ධනාගාර රෝහලට ඇතුළත් කරන ලෙසත් එහිදී දැඩි ආරක්ෂාවක් සපයන ලෙසත් බන්ධනාගාර නිලධාරීන්ට වැඩිදුරටත් නියම විය.
මෙම සිද්ධියට අදාළව බාල වයස්කාර දැරියක අපහරණය කර රඳවා තබා ගැනීම සම්බන්ධයෙන් නිට්ටඹුව පොලිසියට ලැබුණු පැමිණිල්ලකට අනුව විමර්ශන ක්රියාත්මක වේ. සිද්ධියට සම්බන්ධ සැකකාරියක ලෙස නම් කර ඇති දැරියගේ මව ද මේ වන විට අත්අඩංගුවට ගෙන රක්ෂිත බන්ධනාගාරගත කර ඇති අතර, වින්දිත දැරිය අධිකරණ නියෝග මත ළමා සුරක්ෂා මධ්යස්ථානයක රඳවා සිටී. සැකකාර හිමියන් අනුරාධපුර මහේස්ත්රාත් අධිකරණයේ විභාග වන නඩුව සඳහා ඉදිරිපත් කිරීමට ද නියෝග කර ඇත.
පල්ලේගම හේමරතන හිමියන්ට මීට පෙර විදේශගත වීම වැළැක්වීමේ නියෝගයක් ද නිකුත් කර තිබූ අතර, සිද්ධියට සම්බන්ධ සෙසු සැකකරුවන් අත්අඩංගුවට ගැනීම සඳහා ද පොලිස් පරීක්ෂණ ක්රියාත්මකයි. නිට්ටඹුව පොලිසිය විසින් ඉදිරිපත් කළ කරුණු සලකා බැලීමෙන් අනතුරුව මහේස්ත්රාත්වරයා විසින් මෙම නියෝග නිකුත් කරනු ලැබුවේ පසුගිය 09 වැනිදා සැකකාර හිමියන් රෝහලේදී නිරීක්ෂණය කිරීමෙන් පසුවයි.
