කොළඹ කොටස් වෙළෙඳපොළ ගනුදෙනු අද (11) දින නිමාවන විට සියලු කොටස් මිල දර්ශකය (ASPI) ඒකක 52.26කින් පහළ ගොස් තිබේ. ඒ අනුව දිනය අවසානයේදී සියලු කොටස් මිල දර්ශකය ඒකක 23,011.72ක් ලෙස සටහන් වූ බව කොටස් වෙළෙඳපොළ වාර්තා පෙන්වා දෙයි.
වෙළෙඳපොළ දෛනික පිරිවැටුම රුපියල් බිලියන 4.9ක් ලෙස සටහන් වූ අතර, ප්රධාන පෙළේ සමාගම් කිහිපයක කොටස් මිල ගණන් පහළ යාම දර්ශකයේ මෙම පසුබෑමට ප්රධාන වශයෙන් බලපා ඇත. ආයෝජකයන් යම්කිසි විමසිලිමත් ස්වභාවයක් පෙන්නුම් කළ ද, සමස්තයක් ලෙස වෙළෙඳපොළ ගනුදෙනු මධ්යස්ථ මට්ටමක පැවති බව ආර්ථික විශ්ලේෂකයෝ පවසති.
