හෝමූස් සමුද්ර සන්ධියේදී දකුණු කොරියාවට අයත් ‘HMM Namu’ නමැති භාණ්ඩ ප්රවාහන නෞකාවකට එල්ල වූ ප්රහාරය දකුණු කොරියානු රජය දැඩි ලෙස හෙළා දැක තිබේ. 2026 මැයි 4 වන දින එක්සත් අරාබි එමීර් රාජ්යය ආසන්නයේදී හඳුනා නොගත් ගුවන් වස්තූන් දෙකක් මගින් මෙම ප්රහාරය එල්ල කර ඇති අතර, ඉන් නෞකාවේ එන්ජින් කාමරයට සැලකිය යුතු හානියක් සිදුව තිබුණ ද කාර්ය මණ්ඩලයට අනතුරක් සිදුව නොමැත.
දකුණු කොරියානු ජාතික ආරක්ෂක උපදේශක වි සුන්ග්-ලැක් ප්රකාශ කළේ සිවිල් නෞකාවකට එල්ල වූ මෙම ප්රහාරය කිසිසේත් සාධාරණීකරණය කළ නොහැකි බවයි. ප්රහාරය එල්ල කළේ කවුරුන්ද යන්න මෙතෙක් නිල වශයෙන් තහවුරු වී නැති නමුත්, ඇමරිකානු ජනාධිපති ඩොනල්ඩ් ට්රම්ප් මෙයට ඉරානය වගකිව යුතු බවට ප්රකාශ කර තිබේ. ඉරානය සහ ඇමරිකා එක්සත් ජනපදය අතර පවතින දැඩි උණුසුම් වාතාවරණය මධ්යයේ මෙම සිදුවීම වාර්තා වීම විශේෂත්වයකි.
