ඇමරිකාව, කැනඩාව සහ මෙක්සිකෝව යන රටවල සත්කාරකත්වයෙන් පැවැත්වෙන 2026 පාපන්දු ලෝක කුසලාන තරගාවලියට සහභාගී වීම සඳහා ඉරානය විසින් ජාත්යන්තර පාපන්දු සම්මේලනයට (FIFA) කොන්දේසි 10ක් ඉදිරිපත් කර තිබේ. ඉරාන පාපන්දු සම්මේලනයේ සභාපති මෙහ්ඩි ටාජ් මහතා පවසන්නේ තම රටේ ඇදහිලි, සංස්කෘතිය සහ ආරක්ෂාව පිළිබඳ සහතිකයක් ලැබෙන්නේ නම් පමණක් තරගාවලියට එක්වන බවයි.
ඉරානය ඉදිරිපත් කළ ප්රධාන කොන්දේසි කිහිපයක් මෙන්න:
තරගාවලිය අතරතුර ඉරාන ජාතිකයන්ට වීසා නිකුත් කිරීමේ ක්රියාවලිය විධිමත් කිරීම, ඉරාන ජාතික ධජයට සහ ජාතික ගීයට උපරිම ගරුත්වය ලබා දීම මෙන්ම කණ්ඩායම් කාර්ය මණ්ඩලයේ ආරක්ෂාව තහවුරු කිරීම මෙහි ප්රධාන වේ. විශේෂයෙන්ම ගුවන්තොටුපළ, ක්රීඩාංගණ සහ හෝටල් වෙත ගමන් කිරීමේදී ඉහළම මට්ටමේ ආරක්ෂක වැඩපිළිවෙළක් ඔවුන් අපේක්ෂා කරයි. මීට අමතරව, ඉස්ලාමීය විප්ලවවාදී ආරක්ෂක බලකායේ සේවය කර ඇති ක්රීඩකයින්ගේ ආරක්ෂාව සම්බන්ධයෙන් ද විශේෂ අවධානයක් යොමු කරන ලෙස ඔවුන් ඉල්ලා ඇත.
මෙවර ලෝක කුසලානයේ ‘G’ කාණ්ඩය යටතේ නවසීලන්තය, ඊජිප්තුව සහ බෙල්ජියම සමඟ ඉරානය තරග කිරීමට නියමිතය. ලෝක කුසලාන තරගාවලිය ලබන මස 11 වැනිදා ආරම්භ වීමට නියමිතව ඇති අතර, මෙම කොන්දේසි සපුරා ඇත්නම් ඕනෑම සත්කාරක රටක ක්රීඩා කිරීමට සූදානම් බව ඉරානය වැඩිදුරටත් පවසා තිබේ.
