2018 වර්ෂයේදී පේරාදෙණිය විශ්වවිද්යාලයේ ලලිතකලා අධ්යනාංශයේ කථිකාචාර්යවරයෙකු ලෙසට බැදුන එස් එල් ප්රියන්ත ෆොන්සේකා නැමැති අය එම බදවා ගැනීමේදී වංචා සහගත ලෙසට සහ කරුණු සගවමින් කටයුතු කර තිබෙන බව මේ වන හෙලිදරව් වී තිබේ. එම හෙලිදරව්ව සිදුව තිබෙන්නේ ඔහු විසින්ම ඔහුගේ සමාජමාධ්ය ගිණුමේ ලියා පලකර තිබෙන පෝස්ටුවක් මගිනි.
මෙම බදවා ගැනීමේ අවස්ථාව වන විට බැදුම්කර කඩකිරීම සම්බන්ධයෙන් වරදකරුව රුපියල් කෝටියකට ආසන්න එකී මුදල් නැවත රජය වෙත අයකර ගැනීමට නියමිතව තිබුනද මොහු පේරාදෙණියට ඉල්ලූම් කිරීමේදී එම තොරතුරු හෙලිදරව් කර නැත.
ඔහු සිය පෝස්ටුව මගින් කියා සිටින්නේ අදාල ඉල්ලූම්පත්රයේ එවැන්නක් අසා නොතිබුන නිසා තමන් ඒ බව සදහන් නොකල බවය.
රජයේ ඇප කොන්දේසි කඩකල තැනැත්තෙකු එකී ඇප මුදල් අයකර ගැනීමෙන් තොරව නැවත වෙනත් විශ්වවිද්යාලයක සේවයට බදවා ගැනීම ප්රශ්නකාරී වන අතර එම පුද්ගලයා නව තනතුරට අයදුම් කිරීමේදී එම අසාදු ලේඛනගත තත්ත්වය සගවා තිබේ නම් වරද වඩාත් බරපතල වනු ඇත. එහිදී ඔප්පු වන්නේ රාජ්ය සේවකයෙකු සතු විය යුතු අවංකභාවය ඔහු සතුව නොතිබුන බවය.
එම අවංකභාවය පිලිබද වන සැකය තහවුරු කරමින් අධ්යයන විෂමාචාරයන් සහ විභාග වංචාවන් ලෙස ගැනිය හැකි චෝදනාවන් කිහිපයක් පිලිබදව සිසුන්ගෙන් ලද පැමිණිලි ප්රකාර අභ්යන්තර විනය පරීක්ෂණ දෙකක් මොහුට එරෙහිව මේ වන විටත් පේරාදෙණිය විශ්වවිද්යාලය විසින් පවත්වාගෙන යනු ලබන බව දැනගන්නට ලැබී ඇත.එම හේතුව මත මෙම ආචාර්යවරයාගේ සේවය ස්ථීර නොකර 2018 සිට මේ දක්වා වසර 8 ක කාලයක් පරිවාස පදනම පවත්වාගෙන යමින් තිබේ.
ඒ අනුව පේරාදෙණිය විශ්වවිද්යාලයේ ශාස්ත්ර පීඨයේ ලලිත කලා අධ්යනාංශයේ කථාකාචාර්යවරයෙකු ලෙස ඔහුගේ පත්කිරීම සම්බන්ධයෙන් නැවත විමර්ශනයක් සිදුකිරීම විගණකාධිපති ඇතුළු අදාල බලධාරීන්ගේ වගකීමය.
– අග්නි සපුමල් බංඩාර
