සර්වජන බලය පක්ෂයේ මාධ්ය ප්රකාශක වෛද්ය ප්රියංකර මහගම්මුල්ලගේ මහතා අද කොළඹදී මාධ්ය වෙත අදහස් දක්වමින් වත්මන් රජයේ සහ ජනාධිපතිවරයාගේ ක්රියාකලාපය පිළිබඳව දැඩි විවේචනයක් එල්ල කළේය. එහිදී ඔහු විශේෂයෙන්ම අවධාරණය කළේ එළඹෙන රණවිරු සැමරුම් උළෙල සඳහා ජනාධිපතිවරයා අනිවාර්යයෙන්ම සහභාගී විය යුතු බවයි. පසුගිය වසරේදී එල්.ටී.ටී.ඊ. සංවිධානය පරාජය කිරීමේ ජයග්රහණය සැමරීමට රජය නිසි පියවර නොගත් බව පෙන්වා දුන් ඒ මහතා වත්මන් පාලකයින්ට රණවිරුවන් පිළිබඳ නිසි අගයක් හෝ හැඟීමක් නොමැති බවට චෝදනා කළේය.
එමෙන්ම රජයේ ආර්ථික ප්රතිපත්තිය පිළිබඳව ද අදහස් දැක්වූ මහගම්මුල්ලගේ මහතා ජනාධිපතිවරයා බලයට පත්වීමට පෙර ජාත්යන්තර මූල්ය අරමුදල හෙවත් IMF වැඩපිළිවෙළ ලංකාවෙන් ඉවත් කරන බව ප්රකාශ කළද දැන් සිදුවන්නේ ඊට හාත්පසින්ම වෙනස් දෙයක් බව පැවසීය. විශේෂයෙන්ම ඩීසල් මිල යළි ඉහළ නැංවීම හරහා ජනතාව දැඩි පීඩාවකට පත්ව ඇති බවත් විවිධ ප්රකාශ හරහා ජනතාව රැවටීමට රජය උත්සාහ කළද පවතින උද්ධමනය හමුවේ දේශීය කර්මාන්ත සම්පූර්ණයෙන්ම කඩාවැටීමේ අවදානමකට ලක්ව ඇති බවත් ඔහු වැඩිදුරටත් අනතුරු ඇඟවීය.
