අනුරාධපුරයේ අපයෝජනයට ලක්වූ බාලවයස්කාර දැරිය වෙනුවෙන් යුක්තිය ඉටුකිරීම සඳහා නීතිඥ යාලිත් මහතා ඇතුළු නීතිඥයන් පිරිසක් නොමිලේ පෙනී සිටීමට සූදානම් බව සිය ෆේස්බුක් ගිණුම හරහා නිවේදනය කර ඇත.
නීතිඥ යාලිත් මහතා ඇතුළු කණ්ඩායමට අමතරව, ජ්යෙෂ්ඨ නීතිඥ අතුල රණගල මහතා ඇතුළු නීතිඥ කණ්ඩායමක්ද මෙම දැරිය වෙනුවෙන් පෙනී සිටීමට ඉදිරිපත් වී තිබේදැරියගේ අයිතිවාසිකම් වෙනුවෙන් සහ ඇයට යුක්තිය ඉටුවන පරිදි විමර්ශන කටයුතු සිදුවනවාදැයි ජාතික ළමා ආරක්ෂක අධිකාරිය නිරන්තරයෙන් නියාමනය කරමින් සිටියි.මෙම විමර්ශන කටයුතු සම්බන්ධයෙන් හෝ නීතිය ක්රියාත්මක කිරීම සම්බන්ධයෙන් අධිකාරිය වෙත කිසිදු පාර්ශ්වයකින් බලපෑමක් එල්ල වී නොමැති බව එම අධිකාරිය අවධාරණය කරයි.
සිද්ධිය සම්බන්ධයෙන් අනවශ්ය මහජන කැළඹීමක් ඇති කරගැනීමට හේතුවක් නොමැති බවත්, එවැනි කැළඹීම් හරහා යුක්තිය පසිඳලීමේ ක්රියාවලියට බාධාවක් විය හැකි බවත් පෙන්වා දී තිබේ.
