මුදල් අමාත්යාංශයේ විදේශ සම්පත් දෙපාර්තමේන්තුවේ ජ්යෙෂ්ඨ නිලධාරියෙකුව සිටියදී මියගිය රංග රාජපක්ෂ මහතාගේ මරණය සම්බන්ධයෙන් වන සාක්ෂි විභාගය කුලියාපිටිය මහේස්ත්රාත් අධිකරණයේදී අද (21) කැඳවනු ලැබීය. මුළු රටේම දැඩි අවධානයට ලක්ව ඇති මෙම අභිරහස් මරණය පිළිබඳ පවත්වන මහේස්ත්රාත් පරීක්ෂණයට අදාළව, මියගිය නිලධාරියාගේ බිරිඳ සහ දියණිය මෙන්ම හිටපු අමාත්ය උදය ගම්මන්පිල මහතා ද අධිකරණය හමුවේ පෙනී සිටිමින් අද දින සාක්ෂි ලබා දී තිබේ.
පැය දෙකකට ආසන්න කාලයක් පුරා ඉතා දීර්ඝ ලෙස සාක්ෂි මෙහෙයවීම සහ විභාග කිරීම සිදුකිරීමෙන් අනතුරුව, මෙම මරණ පරීක්ෂණයේ වැඩිදුර සාක්ෂි විභාගය ලබන ජූනි මස 03 වැනිදා දක්වා කල් තැබීමට කුලියාපිටිය මහේස්ත්රාත්වරයා නියෝග කළේය. සිද්ධිය සම්බන්ධයෙන් පොලිසිය විසින් සිදුකරන ලද විමර්ශන වාර්තා ද ඉදිරියේදී අධිකරණයට ඉදිරිපත් කිරීමට නියමිතය.
