ගෝලීය ඉන්ධන මිල ඉහළ යාම හේතුවෙන් එරට තුළ උද්ගතව ඇති බලශක්ති අර්බුදයට පිළියමක් ලෙස බංග්ලාදේශය විසින් ජාත්යන්තර මූල්ය අරමුදලෙන් (IMF) ඇමෙරිකානු ඩොලර් මිලියන 2ක අතිරේක ණය ආධාරයක් ලබා ගැනීම සඳහා නව වැඩසටහනකට ඉල්ලීමක් කර තිබේ. බංග්ලාදේශය මෙම නව ඉල්ලීම සිදු කර ඇත්තේ දැනටමත් එරට තුළ ඇමෙරිකානු ඩොලර් බිලියන 5.7ක ණය වාරික වැඩසටහනක් ක්රියාත්මක වෙමින් පවතින පසුබිමක වීම සුවිශේෂී වේ.
මෙම තත්ත්වය සම්බන්ධයෙන් සිය නිල එක්ස් (X) ගිණුමේ සටහනක් තබමින් විපක්ෂ නායක සජිත් ප්රේමදාස මහතා ප්රකාශ කරන්නේ, බංග්ලාදේශය ජාත්යන්තර මූල්ය අරමුදල සමඟ මෙලෙස තවත් යථාර්ථවාදී ගිවිසුමකට එළඹීමට අපේක්ෂා කරන බවයි. දේශපාලන වාසි තකා නොව, පවතින ආර්ථික පීඩනය හමුවේ සාමාන්ය ජනතාව මත පැටවෙන බර ලිහිල් කිරීම බංග්ලාදේශයේ මෙම තීරණයේ මූලික අරමුණ වී ඇති බව ද ඔහු පෙන්වා දෙයි.
ශ්රී ලංකාව ද ජනතා සුබසාධනය ගැන සිතිය යුතුයි:
බංග්ලාදේශයේ මෙම ආර්ථික ක්රියාමාර්ගය ආදර්ශයට ගනිමින් ශ්රී ලංකාව ද මීට වඩා ජනතා සුබසාධනය පිළිබඳව දැඩි ලෙස අවධානය යොමු කළ යුතු බව විපක්ෂ නායකවරයා අවධාරණය කරයි. භාණ්ඩ හා සේවා මිල ගණන් ඉහළ දැමීමෙන් සහ වෙළඳපොළ තුළ දැඩි හිඟයක් නිර්මාණය වීමෙන් පසුව ඊට පිළියම් සෙවීමේ අසාර්ථක තත්ත්වයකට රටේ ආර්ථික ප්රතිපත්ති පත් නොවිය යුතු බව ද සජිත් ප්රේමදාස මහතා සිය එක්ස් පණිවුඩය මඟින් වැඩිදුරටත් පෙන්වා දී තිබේ.
