සංචාරක ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවති එක්දින තරගාවලියේ පළමු තරගයෙන් ලකුණු 41ක ජයක් වාර්තා කිරීමට කුසල් මෙන්ඩිස් ප්රමුඛ ශ්රී ලංකා කණ්ඩායම සමත් විය. මෙරට වේලාවෙන් ඊයේ (03) රාත්රී 08.00ට කිංස්ටන් හීදී ආරම්භ වූ මෙම තරගය ශ්රී ලංකාව ජයග්රහණය කළේ කොදෙව් කණ්ඩායම පරාජයට පත් කරමිනි.
පළමුව පන්දුවට පහර දුන් ශ්රී ලංකා කණ්ඩායම නියමිත පන්දුවාර 50 තුළ කඩුලු 7ක් දැවී ලකුණු 303ක් රැස් කළේය. ශ්රී ලංකා ඉනිම ශක්තිමත් කළ ආරම්භක පිතිකරු පැතුම් නිස්සංක ලකුණු 79ක් ලබා ගත් අතර නායක කුසල් මෙන්ඩිස් ලකුණු 72ක් රැස් කිරීමට සමත් විය. පිළිතුරු ඉනිම සඳහා පිටියට පිවිසි බටහිර ඉන්දීය කොදෙව් කණ්ඩායමට පන්දුවාර 49යි පන්දු 2ක් තුළ සියලු දෙනා දැවී රැස්කර ගැනීමට හැකි වූයේ ලකුණු 262ක් පමණි. ශ්රී ලංකා පන්දු යවන්නන් දක්ෂ ලෙස පන්දු යැවූ අතර දුෂ්මන්ත චමීර ලකුණු 67කට කඩුලු 4ක් දවා ගැනීමට සමත් විය.
මෙම ජයග්රාහී තරගයේ වීරයා ලෙස කුසල් මෙන්ඩිස් සම්මාන දිනා ගත්තේය. දෙරට අතර පැවැත්වෙන තරග තුනකින් සමන්විත මෙම තරගාවලියේ දෙවන තරගය ලබන ඉරිදා ජැමෙයිකාවේදී පැවැත්වීමට නියමිතව තිබේ.
