දුම්වැටි භාවිතය හේතුවෙන් ශ්රී ලංකාව තුළ දිනකට පුද්ගලයන් 50 දෙනෙකු පමණ අකාලයේ ජීවිතක්ෂයට පත්වන බව සෞඛ්ය මූලාශ්ර උපුටා දක්වමින් වෛද්ය අංශ අනතුරු අඟවයි. මෙලෙස මියයන පිරිසෙන් බහුතරයක් පවුල්වල ජීවනෝපාය සපයන පියවරුන් සහ ස්වාමිපුරුෂයන් වීම හේතුවෙන්, මෙම මරණ රටේ පවුල් සංස්ථාවන් සහ ආර්ථිකය සම්පූර්ණයෙන්ම බිඳ වැටීමට සෘජුවම බලපා ඇති බව හෙළිව තිබේ.
දුම්වැටි නිසා වැළඳෙන පිළිකා, හෘදයාබාධ සහ ශ්වසන රෝග හේතුවෙන් වසරකට මෙරට වටිනා ජීවිත 18,000කට අධික ප්රමාණයක් අහිමි වන අතර, ඉන් පීඩාවට පත්වන පවුල්වල දරුවන් සහ බිරින්දෑවරුන් දැඩි සමාජීය මෙන්ම මූල්යමය අර්බුදයන්ට මුහුණ දෙති. දුම්වැටි භාවිතය යනු හුදෙක් පුද්ගලික සෞඛ්ය ගැටලුවක් පමණක් නොව, සමස්ත සමාජයම වෙළාගත් දරුණු ඛේදවාචකයක් බව පෙන්වා දෙන විශේෂඥයන්, පවුලේ සුරක්ෂිතභාවය වෙනුවෙන් හෝ මෙම මාරක පුරුද්දෙන් කඩිනමින් මිදීමේ ඇති අත්යවශ්යතාවය දැඩිව අවධාරණය කර සිටියි.
