එක්සත් ජනපද කෘෂිකර්ම දෙපාර්තමේන්තුව (USDA) විසින් ප්රාන්තවලට ලබාදෙන ෆෙඩරල් අරමුදල්, සංක්රමණික නීති ක්රියාත්මක කිරීම සහ සංක්රාන්ති ලිංගික පුද්ගලයින් සම්බන්ධ ප්රතිපත්ති වැනි වෙනත් කොන්දේසිවලට යටත් කිරීමට ගත් උත්සාහය ඇමරිකානු දිස්ත්රික් විනිසුරු මියොන් ජුන් විසින් අවහිර කර තිබේ.
මෙම අරමුදල් රඳවා තබා ගැනීම වළක්වන ලෙස ඉල්ලා ඩිමොක්රටික් පක්ෂයේ නීතිපතිවරුන් 20 දෙනෙකු සහ කොලොම්බියා දිස්ත්රික්කය විසින් ගොනු කළ මූලික නිෂේධ ආඥා ඉල්ලීම විනිසුරුවරයා විසින් අනුමත කරන ලදී. මෙම කොන්දේසි හේතුවෙන් පෝෂණය සහ ගොවි ආධාර සඳහා වෙන්කර ඇති ඇමරිකානු ඩොලර් බිලියන 74ක මුදලක් අනතුරේ වැටී ඇති බව ප්රාන්ත පෙන්වා දී තිබුණි.
මෙම තීරණය සම්බන්ධයෙන් අදහස් දැක්වූ මැසචුසෙට්ස් හි නීතිපති ඇන්ඩ්රියා ජෝයි කැම්පෙල්, මෙම අරමුදල් පවුල් සඳහා අත්යවශ්ය ජීවනාලියක් බවත්, පවුල්වල ආහාර සුරක්ෂිතතාව ආරක්ෂා කිරීම සඳහා තමන් සැමවිටම සටන් කරන බවත් සිය සමාජ මාධ්ය ගිණුම හරහා ප්රකාශ කර තිබේ. මෙම නියෝගය සම්බන්ධ වැඩිදුර විස්තර පැහැදිලි කරන විශේෂිත කරුණු ඇතුළත් ලිපියක් ඉදිරියේදී නිකුත් කරන බව විනිසුරුවරයා සඳහන් කළේය.
