ඩෙමොක්රටික් රිපබ්ලික් ඔෆ් කොංගෝ (DRC) රාජ්යය තුළ නැවතත් ඉබෝලා (Ebola) වෛරස් ආසාදිතයන්ගේ සංඛ්යාව 515 දක්වා සීඝ්රයෙන් ඉහළ ගොස් තිබේ. වෛරසයේ දරුණු ව්යාප්තිය හේතුවෙන් මේ වන විට පුද්ගල මරණ 91ක් ද වාර්තා වී ඇති බව එරට සෞඛ්ය අංශ නිල වශයෙන් තහවුරු කරයි.
කෙසේ වෙතත්, පවතින තත්ත්වය පාලනය කිරීම සඳහා සෞඛ්ය අංශ ගන්නා උත්සාහයන්ට බරපතළ බාධා රැසක් එල්ල වී ඇති බව වාර්තා වේ. විශේෂයෙන්ම රෝගීන් ආශ්රිතයන් (Contact Tracing) නිවැරදිව සොයා ගැනීමට නොහැකි වීම නිසා වෛරසය සමාජය තුළ රහසිගතව පැතිරීමේ අවදානමක් මතුව ඇත. එමෙන්ම සාම්ප්රදායික විශ්වාසයන් හේතුවෙන් මියයන පුද්ගලයන්ගේ මරණ පරීක්ෂණ (Post-mortems) සිදුකිරීමට සහ ආරක්ෂිත අවමංගල්ය කටයුතුවලට එරෙහිව ප්රාදේශීය වැසියන්ගෙන් දැඩි විරෝධයක් එල්ල වෙමින් පවතී. මීට අමතරව, ඉබෝලා ප්රතිකාර මධ්යස්ථානවල පවතින ඉඩකඩ සහ වෛද්ය පහසුකම්වල ධාරිතා හිඟකම මෙන්ම, වසංගතය මර්දනය කිරීමට අවශ්ය සීමිත මූල්ය ප්රතිපාදන හේතුවෙන් සමස්ත සෞඛ්ය පද්ධතියම දැඩි අර්බුදයකට ලක්ව ඇත.
ලෝක සෞඛ්ය සංවිධානය (WHO) ඇතුළු ජාත්යන්තර සහන කණ්ඩායම් කොංගෝ රාජ්යයට සහය වීමට උත්සාහ කළ ද, පවතින සමාජීය සහ ආර්ථික වටපිටාව හමුවේ ඉබෝලා මර්දන කටයුතු තවදුරටත් අභියෝගාත්මක වී තිබේ.
