කුවේට් රජය විසින් සිය රටේ ගෘහ සේවක අංශය නියාමනය කිරීම සඳහා හඳුන්වා දී ඇති නව නීති මාලාවත් සමඟ, ගෘහ සේවකයන් ගෙන්වා ගත හැකි රටවල් සංඛ්යාව රටවල් 10කට සීමා කර තිබේ. විදෙස් මාධ්ය වාර්තා කරන පරිදි, මෙම නව තීරණයත් සමඟ රටවල් 27ක සේවකයන් බඳවා ගැනීම තහනම් කර ඇත.
ගෘහ සේවකයන් බඳවා ගැනීමට අවසර ඇති රටවල් 10
නව රෙගුලාසි යටතේ ශ්රී ලංකාව, ඉන්දියාව, පිලිපීනය, වියට්නාමය, නේපාලය, දකුණු අප්රිකාව, බෙනින්, එරිට්රියාව සහ ඉතියෝපියාව යන රටවල් 9 කාන්තා හා පිරිමි දෙපාර්ශවයටම සේවකයන් බඳවා ගැනීමට අවසර ලබා දී ඇත. සෙනගාලය යන රටින් සේවකයන් බඳවා ගැනීම පිරිමි අයට පමණක් සීමා කර තිබේ.
සේවකයන් බඳවා ගැනීම තහනම් කර ඇති රටවල් 27
කෙන්යාව, උගන්ඩාව, නයිජීරියාව, මැඩගස්කරය සහ භූතානය ඇතුළු රටවල් 27කින් ගෘහ සේවකයන් ගෙන්වීම කුවේට් රජය විසින් තහනම් කර ඇත. මෙම තහනම රටින් රටට වෙනස් වන අතර, ඇතැම් රටවලින් කාන්තා සේවිකාවන් පමණක් තහනම් කර ඇති අතර පිරිමි සේවකයන් ගෙන්වීමට තවමත් අවසර පවතී.
කුවේට් අභ්යන්තර කටයුතු අමාත්යාංශය මෙම පියවර ගෙන ඇත්තේ ගෘහ සේවක අංශයේ පවතින ගැටලු නියාමනය කරමින් එම සේවාවන් විධිමත් කිරීමේ අරමුණින් බව වාර්තා වේ.
