ශ්රී ලංකාවේ වත්මන් මූල්ය ප්රතිපත්තිය, විනිමය අනුපාත ප්රතිපත්තිය සහ රටේ ආර්ථික තත්ත්වය සම්බන්ධයෙන් පාර්ලිමේන්තු මන්ත්රීවරුන් දැනුවත් කිරීමේ විශේෂ වැඩසටහනක් අද (10) පාර්ලිමේන්තුවේදී පවත්වා තිබේ. කථානායක වෛද්ය ජගත් වික්රමරත්න මහතාගේ ප්රධානත්වයෙන් පැවති මෙම වැඩසටහන සඳහා සම්පත් දායකයින් ලෙස ශ්රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා ඇතුළු මහ බැංකුවේ ජ්යෙෂ්ඨ නිලධාරීන් පිරිසක් සහභාගී වී සිටියහ.මෙම වැඩසටහන අතරතුර රට තුළ මූල්ය ප්රතිපත්ති ක්රියාත්මක වන ආකාරය, විනිමය අනුපාතයේ හැසිරීම, ආර්ථික ස්ථාවරත්වය සහ රටේ ආර්ථික ප්රගතියට අදාළ වැදගත් කරුණු රැසක් පිළිබඳව මන්ත්රීවරුන් දැනුවත් කිරීමට පියවර ගෙන තිබුණි. එසේම, එහිදී මන්ත්රීවරුන් විසින් ඉදිරිපත් කරන ලද විවිධ ප්රශ්න සහ අදහස් සඳහා ද ශ්රී ලංකා මහ බැංකු නිලධාරීන් විසින් කරුණු පැහැදිලි කරමින් පිළිතුරු ලබා දී තිබේ.
