කල්බදු මූල්යකරණ පනත යටතේ ලියාපදිංචි වී තිබූ ‘Co-operative Leasing Company Limited’ ආයතනයේ ලියාපදිංචිය ශ්රී ලංකා මහ බැංකුව විසින් අවලංගු කර තිබේ.
2026 ජූනි 10 වන දින සිට ක්රියාත්මක වන පරිදි මෙම තීරණය ගෙන ඇත්තේ, අදාළ ආයතනය 2010 අංක 02 දරන කල්බදු මූල්යකරණ වාර්තාකරණ විධානයට අඛණ්ඩව අනුකූල නොවීම සහ බැංකු නොවන මූල්ය ආයතන ඒකාබද්ධ කිරීමේ ප්රධාන සැලැස්ම යටතේ නියමිත අවශ්යතා සපුරාලීමට අසමත් වීම හේතුවෙනි.
මහ බැංකුව වැඩිදුරටත් සඳහන් කරන්නේ, වරින් වර ලබාදුන් කාලය දිගුවීම් තිබුණද, මෙම ආයතනයෙන් තෘප්තිමත් ප්රගතියක් නොපෙන්වූ බවත්, ව්යාපාරික ස්ථායීතාවය වෙනුවෙන් ක්රියාකාරී සැලැස්මක් ඉදිරිපත් කිරීමට ද ආයතනය අපොහොසත් වූ බවත්ය.
එබැවින්, 2026 ජූනි 10 වන දිනෙන් පසුව ‘Co-operative Leasing Company Limited’ ආයතනයට නව කල්බදු මූල්ය කටයුතු සිදු කිරීමට කිසිදු නීතිමය බලයක් නොමැති බව ශ්රී ලංකා මහ බැංකුව මහජනතාවට දැඩිව දැනුම් දී සිටී.
