සිය ධූර කාලය අවසන් කරමින් මෙරටින් නික්ම යන ශ්රී ලංකාවේ බෙල්ජියම් තානාපති ඩිඩියර් වැන්ඩර්හසෙල්ට් (Didier Vanderhasselt) මහතා ඊයේ (15) අරලියගහ මන්දිරයේදී අග්රාමාත්ය ආචාර්ය හරිනි අමරසූරිය මහත්මිය හමුවිය.
මෙම හමුවේදී තානාපතිවරයා සිය ධුර කාලය තුළ දෙරට අතර ද්විපාර්ශ්වික සබඳතා ශක්තිමත් කිරීම සඳහා සිදු කළ සේවාව අග්රාමාත්යවරිය විසින් ඇගයීමට ලක් කළාය. විශේෂයෙන්ම, ශ්රී ලංකාව තුළ බෙල්ජියම් ආයෝජන අවස්ථා තවදුරටත් ව්යාප්ත කිරීමේ වැදගත්කම පිළිබඳව දෙපාර්ශ්වයේම අවධානය යොමු විය.
තම ධුර කාලය තුළ ශ්රී ලංකාව සහ බෙල්ජියම අතර පැවති ධනාත්මක සහයෝගීතාව සිහිපත් කළ තානාපතිවරයා, අග්රාමාත්යවරිය හමුවීමට ලැබීම පිළිබඳව සිය කෘතඥතාව පළ කළේය. අධ්යාපන ක්ෂේත්රයේ සහයෝගීතාව ශක්තිමත් කර ගැනීමේ අවශ්යතාවය පිළිබඳව ද මෙහිදී දීර්ඝ වශයෙන් සාකච්ඡා කෙරුණු අතර, දෙරට අතර සහයෝගීතාව ඉදිරියටත් අඛණ්ඩව පවත්වාගෙන යාමේ වැදගත්කම අවධාරණය කරන ලදී.
මෙම අවස්ථාව සඳහා නවදිල්ලි නුවර පිහිටි බෙල්ජියම් තානාපති කාර්යාලයේ පළමු ලේකම් ජොනාස් හෙයාර්බ්රාන්ට් (Jonas Heirbrant) මහතා, අග්රාමාත්ය ලේකම් ප්රදීප් සපුතන්ත්රී මහතා, අතිරේක ලේකම් සාගරිකා බෝගහවත්ත මහත්මිය සහ විදේශ කටයුතු, විදේශ රැකියා හා සංචාරක අමාත්යාංශයේ නිලධාරීහු පිරිසක් එක්ව සිටියහ.
