භාවිත කළ වාහනවල රේගු වටිනාකම තීරණය කිරීමේදී මීට පෙර ක්රියාත්මක වූ සියයට 15ක තක්සේරු අඩු කිරීම ඉවත් කිරීම හේතුවෙන්, ආනයනික භාවිත කළ වාහනවල මිල ගණන් සැලකිය යුතු ලෙස ඉහළ යා හැකි බව ශ්රී ලංකා වාහන ආනයනකරුවන්ගේ සංගමය (VIASL) අනතුරු අඟවයි. මෙම රේගු තක්සේරු ක්රමවේදයේ සිදුවූ වෙනස්කම් සමස්ත වාහන වෙළෙඳපොළටම බලපාන බවත්, විශේෂයෙන්ම ජනප්රිය වාහන මාදිලිවල මිල ගණන් අනිවාර්යයෙන්ම ඉහළ යනු ඇති බවත් එම සංගමයේ උප සභාපති සහ ප්රකාශක අරෝෂ රුද්රිගෝ මහතා සඳහන් කරයි.
මෙම නව තීරණයත් සමඟ Honda Vezel වාහනයක මිල රුපියල් ලක්ෂ 20කින් පමණ ද, Toyota Yaris වාහනයක මිල රුපියල් ලක්ෂ 10කින් පමණ ද, Suzuki Wagon R වාහනයක මිල රුපියල් ලක්ෂ 7.5කින් පමණ ද ඉහළ යනු ඇතැයි අපේක්ෂා කෙරේ. මෙම මිල ඉහළ යාමට හේතු වී ඇත්තේ මෝටර් රථවල රේගු වටිනාකම තීරණය කිරීමේදී අනුගමනය කරන නව ක්රමවේදයයි. අතිවිශේෂ ගැසට් පත්රයකට අනුව අලුත්ම මෝටර් රථ සඳහා (1A) සහ භාවිත කළ වාහන ඇතුළු අනෙකුත් සියලුම මෝටර් රථ සඳහා (1B) යනුවෙන් ක්රමවේද දෙකක් පවතින බව වාහන ආනයනකරුවන්ගේ සංගමය පෙන්වා දෙයි. මෙම නව තීරණයත් සමඟ භාවිත කළ වාහන ආනයනය කිරීමේදී පිරිවැය ඉහළ යාම හේතුවෙන් පාරිභෝගිකයාට වාහනයක් මිලදී ගැනීමේදී වඩා වැඩි මුදලක් ගෙවීමට සිදුවනු ඇත.
